Vašynhton na praciahu dvuch tydniaŭ vyrašyć, jak dalej dziejničać u situacyi ź Iranam. Pra heta paviedamiŭ prezident ZŠA Donald Tramp u zajavie, ahučanaj jahonaj pres-słužbaj na bryfinhu ŭ Biełym domie. Tranślacyja išła praz kanał Fox News.
Donald Tramp patłumačyŭ, što taki termin vyznačany tamu, što nibyta isnuje realnaja mahčymaść pačatku pieramoŭ. Chto moža na ich stać pasiarednikam, u Biełym domie pakul nie paviedamlajuć.
Na pytańnie, ci choča Tramp źmieny ŭłady ŭ Iranie, jahonaja pres-sakratarka Kerałajn Livit adznačyła, što hałoŭnaja meta prezidenta — nie dapuścić źjaŭleńnia ŭ Irana jadziernaj zbroi. Jana taksama dadała, što Tramp addaje pieravahu dypłamatyi, ale nie vyklučaje vykarystańnia siły, kali heta budzie nieabchodna.
Pa słovach Livit, u Irana ŭžo jość techničnyja mahčymaści dla stvareńnia jadziernaj zbroi, i pytańnie ciapier tolki ŭ palityčnym rašeńni. Kali viarchoŭny lidar Irana Ali Chamieniei prymie rašeńnie, Iran moža atrymać jadziernuju zbroju ŭžo praź niekalki tydniaŭ. Tramp upeŭnieny, što nivodnaja kraina, u tym liku Rasija, nie zacikaŭlena ŭ takim raźvićci padziej.
Raniej infarmahienctva Reuters paviedamlała, što pradstaŭnik ZŠA Styŭ Uitkaf mieŭ telefonnyja razmovy z kiraŭnikom MZS Irana Abasam Arakčy paśla izrailskich udaraŭ pa Iranie.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary
24 hadziny dva tydni 100 dzion ..
Ja heta kazał?? Tak? Ja irainizavał