ZŠA nie vyklučajuć prymianieńnia taktyčnaj jadziernaj zbroi dla ŭdaru pa asabliva ŭmacavanym iranskim abjekcie pa ŭzbahačeńni ŭranu ŭ Fardo, paviedamiŭ sa spasyłkaj na čynoŭnika Biełaha doma Fox News.
U toj ža čas, sa słoŭ surazmoŭcy ŚMI, amierykanskija vajskoŭcy nie sumniavajucca ŭ efiektyŭnaści procibunkiernych bombaŭ, jakija mohuć źniščyć iranski jadzierny zavod.
Takim čynam u administracyi Donalda Trampa abvierhli publikacyju haziety The Guardian, u jakoj havaryłasia, što vajskoŭcy ličać udar taktyčnaj jadziernaj zbrojaj — adzinym sposabam źniščyć abjekt u Fardo, ale kiraŭnik Biełaha doma admaŭlajecca razhladać taki varyjant.
Da hetaha vydańnie Axios pisała, što Tramp sumniavajecca ŭ tym, što zvyšmahutnaja supraćbunkiernaja bomba GBU-57 vahoj 13,6 tony zdolnaja harantavana razburyć padziemny iranski zavod, jaki znachodzicca na hłybini 90 mietraŭ. Pry hetym ahienctva pa źnižeńni vajennaj pahrozy (DTRA), jakoje ŭvachodzić u Minabarony ZŠA, aceńvała, što dla likvidacyi jadziernaha abjekta ŭ Fardo spatrebicca spačatku raźmiakčyć hlebu zvyčajnymi bombami, a zatym skinuć na jaho jadzierny bojeprypas z bambavika, kab ścierci zavod z tvaru ziamli.
Kamientary