Raźviedka Izraila: Iran vyviez uzbahačany ŭran ź jadziernych abjektaŭ da ŭdaraŭ ZŠA
Iran vyviez kala 400 kh uzbahačanaha da 60 % uranu sa svaich jadziernych abjektaŭ za niekalki dzion da ŭdaraŭ ZŠA, raspaviali New York Times znajomyja z danymi raźviedki Izraila krynicy.
Pavodle ich słoŭ, takoje rašeńnie stała reakcyjaj Tehierana na rehularnyja pahrozy prezidenta ZŠA Donalda Trampa dałučycca da vajennaj apieracyi Izraila suprać Irana. U pryvatnaści, uzbahačany ŭran zachoŭvaŭsia ŭ padziemnym jadziernym kompleksie ŭ Isfachanie ŭ nievialikich kantejnierach, jakija mahli vyvieźci ŭ bahažnikach dziesiaci lehkavych aŭtamabilaŭ.
Taksama na spadarožnikavych zdymkach kampanii Maxar Technologies kala jadziernaha abjekta ŭ Fardo było zaŭvažana 16 hruzavych aŭtamabilaŭ. Adnak, što jany vyvozili, dakładna nieviadoma. Heta mahli być u tym liku vializnyja centyfuhi dla abahačeńnia ŭranu, ale ŭsie ich evakuiravać za taki karotki termin, chutčej za ŭsio, nie atrymałasia b, adznačyŭ u razmovie z NYT amierykanski čynoŭnik.
Kiraŭnik Mižnarodnaha ahienctva pa atamnaj enierhii (MAHATE) Rafael Hrosi ŭ intervju CNN padkreśliŭ, što iranskija ŭłady nie chavali — jany sprabavali abaranić uzbahačany ŭran. Pa jaho słovach, apošni raz inśpiektary ahienctva bačyli iranski ŭran za tydzień da pačatku izrailskich abstrełaŭ. Na pytańnie NYT, ci byŭ uran, pa jaho mierkavańni, pieramieščany ŭ inšaje miesca, Hrosi adkazaŭ: «Tak». Da hetaha jon adznačaŭ, što z techničnaha punktu hledžańnia ŭzbahačany da 60 % uran — heta amal ekvivalent 90 % — uzroŭniu, nieabchodnaha dla stvareńnia jadziernaj zbroi.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary
Eto žie radioaktivnyj objekt, jeho nie spriačieš. Izrail do luboho miesta dotianietsia, prosto podožditie, nie zria hovorił, u nieho ruki dlinnyje.
(Adnak,źviarnicie ŭvahu,iak adrazu ŭzbadziorylisia uładalniki mietadyčak pra "ryžieho kłouna".)))