Ci ŭdałosia ZŠA źniščyć hałoŭny Iranski jadzierny bunkier, pakul nie zrazumieła
Bambaviki ZŠA skinuli niekalki supraćbunkiernych bombaŭ GBU — 57 na abahačalny kambinat u Fardo, raźmieščany pad haroj. Sa słoŭ prezidenta Donalda Trampa, kambinat «ściorty ź ziamli». Adnak inšyja čynoŭniki, u tym liku vice-prezident Džej Dzi Vens, ministr abarony Pit Chehsiet i hienierał Den Kiejn pakul ustrymalisia ad padobnych śćviardžeńniaŭ.
Iranskija prapahandysty, sa svajho boku, śćviardžajuć advarotnaje — što centryfuhi cełyja, piša BILD.
Spadarožnikavyja zdymki pakazvajuć Fardo paśla napadu. Na ich bačnyja miescy traplańnia bombaŭ — try ŭpali ŭ adnym miescy i try ŭ inšym, zusim blizka adna da adnoj. Heta pakazvaje, što amierykanskija piłoty (u tym liku dziakujučy pracy izrailskaj vyviedki), vidavočna, dakładna viedali, u jakija kropki treba skidać bomby.
«Analiz kropak traplańnia na płanie miascovaści Fardo pakazvaje, što jany metanakiravana abranyja dla parazy asnoŭnych kalidoraŭ abjekta. Hetyja kalidory znachodziacca pad samym toŭstym płastom parody, heta miesca, dzie adbyvajecca ŭzbahačeńnie ŭranu», — napisaŭ izrailski analityk Ben Cyjon Makales u X.
U miescach traplańnia GBU-57 niama charakternych varonak.
Ekśpierty tłumačać heta tym, što bomby ŭzarvalisia hłyboka pad parodaj. Akramia ŭvachodnych adtulin, jany vyklikali prasiadańnie parody. Heta pakazvaje na toje, što vybuchi adbylisia i vyklikali abvalvańnie padziemnych abjektaŭ, ale maštab hetych abvalvańniaŭ usio roŭna niajasny.
Takim čynam, stan pavierchni amal ničoha nie kaža nam pra toje, ci cełyja bunkiery i jadziernaje abstalavańnie.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
u skalnym hruncie - praniknieńnie moža być niedastatkovym.
Zrešty nie varta raźličvać, što šaściu bombami možna niešta vyrašyć - heta trochi teatralnaja akcyja