U sud Frunzienskaha rajona Minska nakiravana sprava ab nieprystojnych pavodzinach 40-hadovaha mužčyny.
Adnojčy viečaram jon u stanie ałkaholnaha apjanieńnia jechaŭ u tralejbusie. U sałonie było niamała pasažyraŭ. Jon źviarnuŭ uvahu na 16-hadovuju dziaŭčynu ŭ karotkaj spadnicy, jakaja hladzieła videaroliki ŭ telefonie, paviedamlajuć Minsk-naviny.
Zaznačajecca, što mužčyna adčuŭ mocnaje ŭzbudžeńnie, dastaŭ pałavy orhan i staŭ ździajśniać nieprystojnyja dziejańni, dakranajučysia im da ściahna niepaŭnaletniaj. Dziaŭčyna hučna aburyłasia. Mužčynu stała soramna, i jon vyjšaŭ z tralejbusa na bližejšym prypynku.
Dziaŭčyna z mamaj źviarnułasia z zajavaj u milicyju. Chulihana znajšli, u dačynieńni da jaho raspačali kryminalnuju spravu.
— Abvinavačany — dyrektar pryvatnaj kampanii, na ŭtrymańni maje niepaŭnaletniuju dačku, raniej da kryminalnaj adkaznaści nie pryciahvaŭsia, — prakamientavaŭ namieśnik prakurora Frunzienskaha rajona Andrej Siarbun. — Jamu vystaŭlena abvinavačvańnie ŭ naŭmysnych dziejańniach, jakija hruba parušajuć hramadski paradak i vykazvajuć vidavočnuju niepavahu da hramadstva, jakija adroźnivajucca pa svaim źmieście vyklučnym cynizmam (chulihanstvie), heta značyć u ździajśnieńni złačynstva, praduhledžanaha č.1 art. 339 KK.
Vinu hramadzianin całkam pryznaŭ. Jon pad padpiskaj ab niavyjeździe i naležnych pavodzinach.
Kamientary