Nazvany stadyjon, dzie zbornaja Biełarusi prymie Šatłandyju i Daniju ŭ kvalifikacyi čempijanatu śvietu — 2026
Adboračnyja naminalna damašnija matčy čempijanatu śvietu 2026 hoda pa futbole Biełaruś — Šatłandyja 8 vieraśnia i Biełaruś — Danija 9 kastryčnika projduć u Vienhryi.
UEFA paćvierdziŭ, pajadynki adbuducca ŭ Załaehiersiehie na «ZTE-Arenie», piša football.by
Taksama ŭ hrupie z kamandaj Karłasa Ałosa akramia Šatłandyi i Danii vystupić zbornaja Hrecyi.
Na hetaj arenie biełarusy praviali letaś try matčy ŭ ramkach Lihi nacyj i trojčy zhulali ŭničyju: pa 0:0 z Bałharyjaj i Paŭnočnaj Irłandyjaj, a taksama 1:1 ź Luksiemburham.
Taksama ŭ Vienhryi projduć naminalna damašnija matčy kvalifikacyi jeŭrakubkaŭ dla biełaruskich kłubaŭ.
Tak minskaje «Dynama» ŭ pieršym raŭndzie kvalifikacyi Lihi čempijonaŭ zhulaje suprać bałharskaha «Łudahorca» ŭ Mieziokioviešdzie 16 lipienia.
U Lizie kanfierencyj «Nioman» syhraje z armianskim «Urartu» ŭ Dźjory 17 lipienia, a bresckaje «Dynama» z čarnahorskaj «Sućjeskaj» u zhadanym vyšej Załaehiersiehie.
«Tarpieda-BiełAZ» z paŭnočnamakiedonskimi «Rabotničkami» 10 lipienia ŭ Sambatchei.
Paśla ŭvarvańnia Rasii va Ukrainu na biełaruski futboł byli nakładzienyja nievialikija sankcyi, u adroźnieńnie ad Rasii ad futbołu nie adłučyli, ale zbornyja i kłuby mižnarodnyja matčy pavinny pravodzić na niejtralnym poli ŭ adsutnaść hledačoŭ. Biełarusy ŭ asnoŭnym hulajuć u Vienhryi, a taksama hulali ŭ Sierbii, Armienii, Turcyi, Hrecyi i Čarnahoryi.
Kamientary