Andžej Duda paabiacaŭ Cichanoŭskaj arhanizavać joj sustreču z Naŭrockim
Pierad učarašnim mitynham u Varšavie kala pomnika Kapierniku Śviatłana i Siarhiej Cichanoŭskija sustrelisia z prezidentam Polščy Andžejem Dudam i ministram zamiežnych spraŭ Radasłavam Sikorskim. Pres-słužba Cichanoŭskaj paviedamiła, pra što išła havorka padčas hetych sustreč.
Asnoŭnaj temaj razmovy z prezidentam Polščy Andžejem Dudam stała padtrymka demakratyčnaha ruchu Biełarusi i dapamoha biełarusam, jakija byli vymušanyja pakinuć krainu i znajšli prytułak u Polščy.
U hetaj sustrečy aksama ŭdzielničali namieśnik kiraŭnicy Abjadnanaha pierachodnaha kabinieta Pavieł Łatuška, daradca Cichanoŭskaj pa dypłamatyi Dzianis Kučynski i daradca pa jeŭrapiejskaj intehracyi Alaksandr Milinkievič.
Siarod inšych pytańniaŭ abmiarkoŭvalisia «sprava Pačobuta» i budučaje supracoŭnictva z novaabranym prezidentam Polščy Karalem Naŭrockim. Andžej Duda paabiacaŭ sadziejničać arhanizacyi sustrečy Śviatłany Cichanoŭskaj z Naŭrockim, kab zabiaśpiečyć pierajemnaść padtrymki Biełarusi.
Asobna zakranuli i temu vyzvaleńnia troch polskich hramadzian, jakija znachodziacca ŭ biełaruskich turmach.
Naprykancy sustrečy Śviatłana Cichanoŭskaja padziakavała prezidentu Dudu za pryncypovuju pazicyju ŭ dačynieńni da situacyi ŭ Biełarusi, za padtrymku biełarusaŭ i zaprašeńnie na samit «Inicyjatyvy troch moraŭ». Jana prapanavała adznačyć publična piacihodździe biełaruskaha supracivu — jak simvał siabroŭstva i salidarnaści z boku Polščy.
Na sustrečy z Radasłavam Sikorskim abmiarkoŭvalisia dalejšyja kroki padtrymki demakratyčnaj Biełarusi, stanovišča biełarusaŭ u vyhnańni, a taksama kaardynacyja pamiž polskimi strukturami i pradstaŭnikami demakratyčnych siłaŭ.
Śviatłana Cichanoŭskaja padkreśliła značnaść stvareńnia mižministerskaj pracoŭnaj hrupy — rašeńnie ŭžo pryniata, i čakajecca pieršaje pasiadžeńnie.
Siarhiej Cichanoŭski padzialiŭsia ŭspaminami pra znachodžańnie ŭ źniavoleńni, raspavioŭ pra katavańni i ciažkaści, praź jakija prachodziać palitviaźni. Jon adznačyŭ, što hałoŭnaja meta — spynieńnie represij u cełym, a nie tolki vyzvaleńnie asobnych ludziej. Jon zaklikaŭ da paśladoŭnaha cisku i delehitymizacyi režymu Łukašenki.
Cichanoŭskaja padziakavała Sikorskamu za asabistuju ŭvahu da pytańnia palitviaźniaŭ i zhadała, što jon byŭ palityčnym apiekunom Siarhieja Cichanoŭskaha padčas jaho źniavoleńnia. Jana taksama vykazała ŭdziačnaść za padtrymku Forumu Kaściuški, kulturnickich inicyjatyŭ — Kubka Ivulina, Volnych Kupałaŭcaŭ, Volnaha Choru dy inšych.
Asobna jana adznačyła važnaść pracy Adama Chałacinskaha, pryznačanaha ŭpaŭnavažanym MZS Polščy pa supracoŭnictvie ź biełaruskimi demakratyčnymi siłami.
U kancy sustrečy Cichanoŭskaja pavinšavała Polšču z zaviaršeńniem staršynstva ŭ Radzie ES i pačatkam staršynstva ŭ Radzie dziaržavaŭ Bałtyjskaha mora. Jana taksama zaprasiła ministra zapisać videa ci zrabić zajavu da piacihodździa pratestaŭ 9 žniŭnia — u znak salidarnaści ź biełarusami.
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
Na papcy ŭ Śviatłany Cichanoŭskaj ciapier partret palitźniavolenaha žurnalista Andreja Pačobuta FOTA
Cichanoŭski na mitynhu ŭ Varšavie: Ja złamaju hety režym VIDEA
Śpiecsłužby prydumali novy sposab, jak źbirać fota biełarusaŭ zamiežža z sustrečy ź Cichanoŭskimi
Što Paźniak dazvalaje Trampu i nie dazvalaje Cichanoŭskaj
Kamientary