Hrodzieniec kupiŭ albom z fatahrafijami horada, jakim spoŭniłasia sto hadoŭ
Hrodzieniec Alaksandr nabyŭ na aŭkcyjonie albom 1915 hoda vydańnia z fatahrafijami horada. Jak vyhladaje darevalucyjny albom, Alaksandr pakazaŭ u tyktoku, piša Hrodna.life.
Albom z fatahrafijami Hrodna byŭ vydadzieny ŭ 1915 u Bierlinie. Kniha nazyvajecca Erinnerung an Grodno, što pierakładajecca jak «pamiać pra Hrodna».
«Tut sabranyja 20 krajavidaŭ časoŭ Pieršaj suśvietnaj vajny. Kali ja ŭdzielničaŭ u aŭkcyjonie, bačyŭ niekalki zdymkaŭ — tamu ja taksama razam z vami ŭpieršyniu hladžu», — prakamientavaŭ raspakoŭku alboma Alaksandr.
Na aŭkcyjonnaj placoŭcy OneBild startavaja suma alboma skłała € 28 (107 rub.). Pieramožca nabyŭ jaho za € 98 (375 rub.).
U albomie siarod inšaha jość zdymki nabiarežnaj Niomana, Farnaha kaścioła, vodanapornaj viežy i pobytu sielskich žycharoŭ ź viosak pad Hrodnam.
Što heta za albom starych fatahrafij Hrodna?
Albom vydali ŭ Hiermanii paśla taho, jak niamieckaja armija zaniała Hrodna vosieńniu 1915 hoda. Kaštoŭnaść alboma zaklučajecca ŭ jaho aŭtentyčnaści, u tym liku aryhinalnaj vokładcy i pieraplocie, jakija zachavalisia za 110 hadoŭ. Bolšaść sa źmieščanych tam fatahrafij byli zroblenyja hrodzienskimi fatohrafami raniej, jašče da Pieršaj suśvietnaj vajny, a niamiecki vydaviec prosta sabraŭ ich pad adnoj vokładkaj.
Heta było papularnaj praktykaj: udałyja kadry jašče carskich časoŭ mahli šmat hadoŭ tyražavacca i pad niamieckaj akupacyjaj, i padčas mižvajennaj Polščy.
Cikava, što niekatoryja fota dla bierlinskaha alboma byli adredahavanyja i «palepšanyja». Naprykład, na fota manastyra vydalili «niepryvabny» budynak źleva i damalavali ścianu carkvy.
Hrodzieniec znajšoŭ redkija zdymki horada časoŭ Pieršaj suśvietnaj vajny
«Čamu ja nie baču taho, što bačyć jon?» Jak budaŭnik staŭ fatohrafam i zafiksavaŭ toje, čaho bolš nikoli nie budzie
U BDU vystaŭlajuć unikalnyja fatahrafii pačatku XX stahodździa. Ich usio žyćcio rabiŭ pravasłaŭny śviatar
«Šukajem adnaho čałavieka dahetul, ale nie viedaju, ci znojdziem»: jak syn vialikaha biełaruskaha fatohrafa viarnuŭ pamiać ab im
«Nikoli takoha nie zdarycca, što možna budzie skazać: my ŭsio znajšli». Krajaznaviec, vymušany vyjechać za miažu, robić šykoŭnyja znachodki i tam
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku69
Kamientary