Siarhiej Cichanoŭski zastajecca hałoŭnaj cellu dla botafiermaŭ, ale ŭstanoŭka «A Śvieta to nie rada» bolš nie ŭ ratacyi.
Napačatku vyzvaleńnie Siarhieja Cichanoŭskaha biełaruskaja prapahanda padavała nie tolki jak častku vialikaj hulni Łukašenki z Zachadam, ale i jak stratehičny chod, nakiravany na padryŭ adzinstva biełaruskaj apazicyi. Adpaviednuju ŭstanoŭku mieli i boty, jakija paśviacca ŭ jutubie i tyktoku.
Praź niekalki dzion ustanoŭki botaŭ źmianilisia. Charakternaja hrupa botaŭ ź nikami, jakija mimikrujuć pad imiony i proźviščy, stała rasstaŭlać pad vypuskami navin «Našaj Nivy» ŭ jutubie inšaha typu pasłańni.
Boty dakazvajuć, što jon nie «hieroj».
Druhaja ŭstanoŭka botaŭ: «Jon robić zajavy, choć jašče nie aryjentujecca ŭ abstanoŭcy».
Inšaja hrupa botaŭ pravodzić dumku, što Cichanoŭski — kłoŭn.
Nu a «Baćka» — prosta procilehłaść Cichanoŭskamu: «maładziec», dy jašče i «zakonna abrany» ŭ «taki składany čas».
Atrymali boty ŭstanoŭku i adnosna zajavy Siarhieja Cichanoŭskaha na moŭnuju temu.
Jašče adna masavaja ŭstanoŭka: Siarhiej Cichanoŭski ŭ nieadekvatnym psichałahičnym stanie, jamu treba miedycynskaja dapamoha.
Nahadajem, što raniej u telehram-kanale «Biełorusskij front», źviazanym ź Minabarony Biełarusi, źjaviłasia dypfejkavaje videa.
Na im pakazany byccam by frahmient jutub-prahramy «Obyčnoje utro» z kadrami z pres-kanfierencyi. Štučny intelekt pieratvaraje momant razmovy Siarhieja Cichanoŭskaha z žurnalistami ŭ bojku z žonkaj Śviatłanaj.
U hetym ža klučy pracavali i boty ŭ kamientarach pad rolikami tyktoka i navinami ŭ jutubie:
«A Cichanoŭskaja nie vielmi radaja i adčuvajecca, razhublenaja. Nie ŭ centry ŭvahi».
«Nie pašancavała joj, ciapier jaje zasunuć daloka i daviadziecca iści pracavać. Jana mieniej za ŭsich vyjhrała ad hetaha vyzvaleńnia».
«Niešta Śvieta zusim zaviała».
«Śvieta ŭ šoku. Što ciapier rabić z hetym prezidentam. Jaje zvolniać ci na kuchniu».
«Śvietka dumaje: vo Łukašenka zapadlanku padkinuŭ! Tolki žyćcio pačało naładžvacca!»
«A Śvietka siadzić i dumaje: navošta ciabie vypuścili».
«Cichanoŭskaja zachvalavałasia, što muž jaje adsunie na druhi płan».
Inšaja hrupa botaŭ hrała rolu «niezadavolenaha vyzvaleńniem narodu» i pravodziła naratyŭ, što vyzvalać nie treba było.
Treciaja častka botaŭ na roznyja łady zapeŭnivała, što pra Siarhieja Cichanoŭskaha ŭžo nichto nie pamiataje i ludziam naviny pra jaho niecikavyja:
Varta adznačyć, što boty pracujuć hrupami, łajkajuć adny druhoha. U Jutubie i Tyktoku pracujuć roznyja botafiermy, u roznaj stylistycy i navat z roznym padychodam da vybaru nikaŭ.
Ciapier čytajuć
Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu3
Kamientary
(*Časam mnie zdajecca, što nie tolki ŭ BT vydumvajuć naviny...)