Сяргей Ціханоўскі застаецца галоўнай цэллю для ботафермаў, але ўстаноўка «А Света то не рада» больш не ў ратацыі.
Напачатку вызваленне Сяргея Ціханоўскага беларуская прапаганда падавала не толькі як частку вялікай гульні Лукашэнкі з Захадам, але і як стратэгічны ход, накіраваны на падрыў адзінства беларускай апазіцыі. Адпаведную ўстаноўку мелі і боты, якія пасвяцца ў ютубе і тыктоку.
Праз некалькі дзён устаноўкі ботаў змяніліся. Характэрная група ботаў з нікамі, якія мімікруюць пад імёны і прозвішчы, стала расстаўляць пад выпускамі навін «Нашай Нівы» ў ютубе іншага тыпу пасланні.
Боты даказваюць, што ён не «герой».
Другая ўстаноўка ботаў: «Ён робіць заявы, хоць яшчэ не арыентуецца ў абстаноўцы».
Іншая група ботаў праводзіць думку, што Ціханоўскі — клоўн.
Ну а «Бацька» — проста процілегласць Ціханоўскаму: «маладзец», ды яшчэ і «законна абраны» ў «такі складаны час».
Атрымалі боты ўстаноўку і адносна заявы Сяргея Ціханоўскага на моўную тэму.
Яшчэ адна масавая ўстаноўка: Сяргей Ціханоўскі ў неадэкватным псіхалагічным стане, яму трэба медыцынская дапамога.
Нагадаем, што раней у тэлеграм-канале «Белорусский фронт», звязаным з Мінабароны Беларусі, з'явілася дыпфэйкавае відэа.
На ім паказаны быццам бы фрагмент ютуб-праграмы «Обычное утро» з кадрамі з прэс-канферэнцыі. Штучны інтэлект ператварае момант размовы Сяргея Ціханоўскага з журналістамі ў бойку з жонкай Святланай.
У гэтым жа ключы працавалі і боты ў каментарах пад ролікамі тыктока і навінамі ў ютубе:
«А Ціханоўская не вельмі радая і адчуваецца, разгубленая. Не ў цэнтры ўвагі».
«Не пашанцавала ёй, цяпер яе засунуць далёка і давядзецца ісці працаваць. Яна меней за ўсіх выйграла ад гэтага вызвалення».
«Нешта Света зусім завяла».
«Света ў шоку. Што цяпер рабіць з гэтым прэзідэнтам. Яе звольняць ці на кухню».
«Светка думае: во Лукашэнка западлянку падкінуў! Толькі жыццё пачало наладжвацца!»
«А Светка сядзіць і думае: навошта цябе выпусцілі».
«Ціханоўская захвалявалася, што муж яе адсуне на другі план».
Іншая група ботаў грала ролю «незадаволенага вызваленнем народу» і праводзіла наратыў, што вызваляць не трэба было.
Трэцяя частка ботаў на розныя лады запэўнівала, што пра Сяргея Ціханоўскага ўжо ніхто не памятае і людзям навіны пра яго нецікавыя:
Варта адзначыць, што боты працуюць групамі, лайкаюць адны другога. У Ютубе і Тыктоку працуюць розныя ботафермы, у рознай стылістыцы і нават з розным падыходам да выбару нікаў.
-
За рулём дыпламатычнай машыны, якая сутыкнулася з паліцэйскім аўто ў Беластоку, быў консул Беларусі ў Аўстрыі
-
У Мінску жанчына выкінула з дзявятага паверха чыхуахуа свайго каханка
-
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары
(*Часам мне здаецца, што не толькі ў БТ выдумваюць навіны...)