Hramadstva77

Hajdukievič pachvaliŭsia, što da jaho pryjechaŭ pamočnik Trampa. A voś i nie

Pamočnik prezidenta ZŠA i adzin z kiraŭnikoŭ kirujučaj u ZŠA Respublikanskaj partyi pryjechaŭ u Biełaruś pa zaprašeńni kiraŭnika ŁDPB Aleha Hajdukieviča. Pra heta sam Hajdukievič pachvaliŭsia ŭ svaich sacsietkach. Redakcyja Reform.news vyrašyła pravieryć, ci tak heta sapraŭdy.

Aleh Hajdukievič kaspłeić Łukašenku i jaho Umku. Na fota — sabaka lidara ŁDPB.

«Siońnia pa zaprašeńni ŁDPB pryjechała delehacyja z ZŠA. U jaje ŭvachodziać jak pradstaŭniki Respublikanskaj partyi, tak i Demakratyčnaj. Nazavu tolki niekatorych. Tut štaty, hladzicie jakija, Fłaryda, Ńju-Džersi, Kalifornija, Čykaha. Adzin z členaŭ delehacyi — heta pamočnik hubiernatara štata Ilinojs, kiraŭnik vybarčaj kamisii Čykaha ad Demakratyčnaj partyi. Jość tam i naš užo ŭsim viadomy Styŭ Samaryn, jaki źjaŭlajecca pamočnikam na hramadskich pačatkach prezidenta Trampa, i ŭvachodzić u kiraŭnictva Respublikanskaj partyi. Jość i pradstaŭniki relihijnych arhanizacyj amierykanskich, jość ludzi ź biełaruskimi karaniami, jakija pryjechali siudy, i jany chočuć ubačyć svaju radzimu tam, dzie naradzilisia ich prodki», — zajaviŭ Hajdukievič u efiry «Minsk-Naviny» 30 červienia.

«Usim viadomy» Styŭ Samaryn — heta novaje imia rasijanina Uładzisłava Rudolfaviča Śpiektarava. Jon naradziŭsia 20 listapada 1968 hoda ŭ Samary, vučyŭsia na suviazista, zacikaviŭsia relihijaj i ŭ 1997 hodzie pa pratestanckaj linii pajechaŭ u ZŠA.

Samaryn — časty hość biełaruskich prapahandysckich resursaŭ z pačatku dziasiatych. Jość taki žanr u prapahandzie — «amierykanski ekśpiert» chvalić Łukašenku. Samaryn/Śpiektaraŭ hadami nie vypaŭzaje z efiraŭ, chvalačy praŭleńnie biełaruskaha dyktatara. U 2021 hodzie «Jeŭraradyjo» ŭvažliviej pahladzieła na jaho i vyśvietliła, što toj stvaryŭ dźvie relihijnyja NDA ŭ ZŠA, ad imia adnoj ź ich (ścipła nazvanaj Global Christian Ministry) uznaharodziŭ sam siabie zvańniem doktara bahasłoŭja.

Na sajcie «Akademik.ru» Samaryn zrabiŭ sabie vizitku, dzie pieraličyŭ usie svaje dasiahnieńni. Praŭda, schavaŭ jašče pra adno — u 2015 hodzie jaho sudzili ŭ Fłarydzie za drobny kradziež.

Skrynšot sa staronki arrest.org

Čamu Hajdukievič nazyvaje pryjezd Samaryna ŭ Biełaruś čymści asablivym — nie zrazumieła.

Sam Samaryn ukazaŭ u svajoj bijahrafii, što jon byŭ dacentam kafiedry suśvietnaj ekanomiki i finansaŭ Mižnarodnaha ŭniviersiteta «MITSA» ŭ Minsku.

Tolki ŭ 2025 hodzie jon byŭ zaŭvažany ŭ našaj krainie ŭ studzieni jak «mižnarodny naziralnik na vybarach prezidenta Biełarusi», a ŭ mai i červieni jon prychodziŭ na zdymki da biełaruskich televizijnych studyj u Minsku. Zdajecca, Samaryn nikoli nie źjaždžaŭ.

Znajści «pamočnika Trampa» siarod kiraŭnictva čaho b ni było ŭ Respublikanskaj partyi ZŠA nie ŭdałosia. Jość tolki zapis ab tym, što jon zarehistravaŭsia jak vybarščyk-respublikaniec u Fłarydzie. Ci varta ŭdakładniać, što pra «hramadskaha pamočnika Trampa» Hajdukievič taksama schłusiŭ.

Kamientary7

  • Artur
    01.07.2025
    Toje, što Hajdukievič panaźbiraŭ masoŭku ź liku amierkanskich marhinałaŭ savieckaha dy rasiejskaha pachodžańnia - nikomu niecikava. Samaje cikavaje na fota - heta znajomy sabaka. Ci heta tyj ža samy, fota ŭ łažku ź jakim pad supolnaj koŭdraj Hajdukievič vykładaŭ u sacsietkach?
  • Nie hałasicie
    01.07.2025
    U našyja časy, kali Nacyjanalnyja lidary pryznačajucca pratakołami "demakratyčnych siłaŭ" za podpisam pamahataj KDB, zapisać siabie ŭ "pamočniki Trampa" nie takaja ŭžo i dzivota.
  • Abu
    01.07.2025
    Aležyku, ź jahonymi zvyčkami, varta być aściarožniej z sabačkam. A to raptam piosiel prymie aležykavu cacku za svaju humovuju kostačku.

Ciapier čytajuć

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy14

«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki11

Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran5

«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami11

Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha14

Rasijanina zatrymali z 37 kiłahramami narkotykaŭ u Minsku2

Kudy biełarusy mohuć latać bieź vizy i bieź pierasadak?3

«Chtości ŭ kiraŭnictvie siłavikoŭ vyrašyŭ vyvieści Bialucina sa «spravy Aŭtuchoviča» i vykarystać inačaj»3

Zialenski padtrymaŭ Azierbajdžan u kanflikcie z Rasijaj2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić