Dla transpartnaha zabieśpiačeńnia kulturna-masavych mierapryjemstvaŭ, pryśviečanych Dniu Niezaležnaści 3 lipienia, źmienicca režym raboty Minskaha mietrapalitena.
Ruch ciahnikoŭ budzie arhanizavany z 5.30 3 lipienia da 2.25 4 lipienia. Stancyi mietro buduć začynienyja na ŭvachod dla pasažyraŭ u noč na 4 lipienia ŭ 1.45.
Vyklučeńnie składuć stancyi «Kastryčnickaja», «Uschod», «Frunzienskaja», «Niamiha» i «Jubilejnaja płošča», jakija začyniacca na ŭvachod dla pasažyraŭ u 2.00 4 lipienia.
Vychad sa stancyi «Kupałaŭskaja» z boku vulicy Karła Marksa, jak zaŭsiody, budzie začynieny dla pasažyraŭ u 21.00.
Intervał ruchu ciahnikoŭ składzie:
3 lipienia na 1-j (Maskoŭskaj) linii z 10.00 da 19.00 — 5 chvilin, a z 19.00 da 2.00 4 lipienia — 4 chviliny;
3 lipienia na 2-j (Aŭtazavodskaj) linii z 11.00 da 19.00 — 4 chviliny, a z 19.00 da 2.00 4 lipienia — 3 chviliny;
3 lipienia na 3-j (Zialonałužskaj) linii z 11.00 da 2.00 4 lipienia — 7 chvilin.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary