U Bresckaj vobłaści bieź śviatła paśla navalnicy zastalisia dziasiatki nasielenych punktaŭ
Ad niepahadzi asabliva paciarpieli Brescki, Pinski, Kamianiecki, Drahičynski, Pružanski, Stolinski i Łuniniecki rajony.
U druhoj pałovie dnia 7 lipienia mocny navalničny front prajšoŭ pa Bresckaj vobłaści, jon prynios škvalisty viecier, jaki paškodziŭ linii elektrapieradač, apory i drevy. Jak paviedamlaje RUP «Brestenierha», elektrazabieśpiačeńnie było parušana ŭ 89 nasielenych punktach.
Navalnica asabliva zakranuła Brescki, Pinski, Kamianiecki, Drahičynski, Pružanski, Stolinski i Łuniniecki rajony. Z 17:00 u «Brestenierha» pačali pastupać zvanki ad žycharoŭ z zajaŭkami na adsutnaść elektryčnaści, najbolšaja aktyŭnaść nazirałasia ŭviečary z 21:00 da 23:00.
Da adnaŭlenčych rabot dałučylisia śpiecyjalisty z susiednich rajonaŭ — Kobryna, Małaryty, Žabinki, Baranavičaŭ.
U mnohich vypadkach spažyŭcoŭ pieraklučyli na alternatyŭnyja linii, što dazvoliła chutka adnavić elektrazabieśpiačeńnie. Raboty praciahvajucca: viaducca zamiena apor, ramont pravadoŭ, rasčystka zavałaŭ z drevaŭ.
Kamientary