Suzasnavalniki Wargaming Viktar Kisły i Mikałaj Kacałapaŭ prypynili dziejnaść daččynaj kampanii va Ukrainie. Pra heta havorycca ŭ kartcy «Varhiejminh Jukrejn» na ŭkrainskim partale dla pravierki kontrahientaŭ YouControl. Pryčyny nie ŭdakładniajucca, piša Devby.io.
Jurydyčnaja asoba, jakaja kiruje centram raspracoŭki ŭ Kijevie, znachodzicca «ŭ stanie spynieńnia».
Rašeńnie było pryniata ŭ studzieni hetaha hoda ŭłaśnikami Wargaming Group Kisłym i Kacałapavym, jakim naležyć 75% i 25% dolaŭ adpaviedna. Pieršapačatkova jano raźličvałasia na try miesiacy, da kanca krasavika, ale zhadany status dahetul u sile.
Paśla pačatku vajny va Ukrainie Wargaming padzialiŭ biznes na rasijska-biełaruski («Lesta hulni») i mižnarodny siehmienty, a taksama zapuskaŭ roznyja prajekty ŭ padtrymku žycharoŭ Ukrainy i vajskoŭcaŭ. Heta stała padstavaj dla pryznańnia ŭładalnika «Lesty» Malika Chatažajeva i Viktara Kisłaha «ekstremisckim abjadnańniem» u Rasii i pieradačy kampanii pad kantrol dziaržavy. Paźniej u Biełarusi była raspačataja śpiecvytvorčaść suprać Kacałapava, jakoha ŭłady zaličyli da «ekstremistaŭ» u kancy 2022 hoda.
Kampanija «Varhiejminh Jukrejn» była stvorana ŭ 2016 hodzie. Miarkujučy pa adkrytych danych, u 2024 hodzie jana spracavała ŭ minus. U minułym u Wargaming taksama byŭ ofis u Charkavie. Jaho zakryli ŭ 2015 hodzie.
Ciapier čytajuć
Polšča pryznała Alaksandra Mašenskaha niepažadanaj asobaj34
Kamientary