Suzasnavalniki Wargaming Viktar Kisły i Mikałaj Kacałapaŭ prypynili dziejnaść daččynaj kampanii va Ukrainie. Pra heta havorycca ŭ kartcy «Varhiejminh Jukrejn» na ŭkrainskim partale dla pravierki kontrahientaŭ YouControl. Pryčyny nie ŭdakładniajucca, piša Devby.io.
Jurydyčnaja asoba, jakaja kiruje centram raspracoŭki ŭ Kijevie, znachodzicca «ŭ stanie spynieńnia».
Rašeńnie było pryniata ŭ studzieni hetaha hoda ŭłaśnikami Wargaming Group Kisłym i Kacałapavym, jakim naležyć 75% i 25% dolaŭ adpaviedna. Pieršapačatkova jano raźličvałasia na try miesiacy, da kanca krasavika, ale zhadany status dahetul u sile.
Paśla pačatku vajny va Ukrainie Wargaming padzialiŭ biznes na rasijska-biełaruski («Lesta hulni») i mižnarodny siehmienty, a taksama zapuskaŭ roznyja prajekty ŭ padtrymku žycharoŭ Ukrainy i vajskoŭcaŭ. Heta stała padstavaj dla pryznańnia ŭładalnika «Lesty» Malika Chatažajeva i Viktara Kisłaha «ekstremisckim abjadnańniem» u Rasii i pieradačy kampanii pad kantrol dziaržavy. Paźniej u Biełarusi była raspačataja śpiecvytvorčaść suprać Kacałapava, jakoha ŭłady zaličyli da «ekstremistaŭ» u kancy 2022 hoda.
Kampanija «Varhiejminh Jukrejn» była stvorana ŭ 2016 hodzie. Miarkujučy pa adkrytych danych, u 2024 hodzie jana spracavała ŭ minus. U minułym u Wargaming taksama byŭ ofis u Charkavie. Jaho zakryli ŭ 2015 hodzie.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary