«Ja zadziaŭbłasia!» Biełaruska ŭ šalenstvie ad jakaści suviazi MTS
U kamientarach aburanyja biełarusy stali skardzicca i na inšych apierataraŭ.
Biełaruska vykłała ŭ tyktoku videa, u jakim aburyłasia pracaj mabilnaha apieratara MTS. Jana kaža, što žyvie ŭ draŭlanym domie ŭ vioscy, i ŭ jaje «pastajanna nie łović suviaź» abo «jana abryvajecca».
U akaŭncie paznačana, što žančyna — fiermier, u jaje — konny kłub. Praz kiepskuju suviaź, pavodle jaje słoŭ, klijenty nie mohuć źviazacca ź joju, a jana ŭvieś čas pieratelefanoŭvaje.
«Nie vielmi pavažany MTS. Ja z vami 20 hadoŭ na adnym i tym ža numary. Ja płaču hrošy. Za što, skažycie mnie, kali łaska?» — emacyjna pačynaje žančyna.
Jana kaža, što i brać za takija pasłuhi varta było b pa jakaści.
«Ja nie mahu datelefanavacca da rabotnikaŭ, da mianie nie mohuć datelefanavacca ŭ pieršuju čarhu maje ž klijenty. Ja zadziaŭbłasia pastajanna ludziam pieratelefanoŭvać. Ja razmaŭlaju-razmaŭlaju — suviaź abryvajecca. Ja telefanuju — čałaviek niedastupny», — skardzicca jana.
Jana kaža, što moža klijentam MTS varta pisać skarhi, kab kampaniju pravieryli.
«Kali vy nie spraŭlajeciesia sa svajoj pracaj, rabicie apłatu mienšaj ludziam. Za što my hrošy płacim?» — prapanuje jana.
Videa vyklikała šyroki rezanans: bolš za 300 tysiač prahladaŭ, kala 8000 łajkaŭ i zvyš 1000 kamientaryjaŭ. Šmat chto z karystalnikaŭ padtrymali žančynu, skardziačysia na jakaść suviazi nie tolki ŭ MTS, ale i ŭ inšych apierataraŭ.
«A1 toje ž samaje, prablemy. Suviaź źnikaje padčas razmovy. Internet słaby».
«Pierajdzicie na life:) — zrazumiejecie, što MTS jašče nie samaje horšaje».
«Takaja ž situacyja: žyviom za 5 km ad horada — suviazi amal niama, internet pracuje praz raz. U horadzie ničoha nie źmianiajecca. A płaču 40 rubloŭ u miesiac».
«I taksama ja paŭtara hady telefanavaŭ apierataru z prablemami suviazi — adkaz adzin u vas usio vydatna moža ŭ vas smartfon stary treba zamianić!!!»
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary