Z 11 lipienia ŭ Biełarusi ŭstupili ŭ siłu novyja praviły absłuhoŭvańnia avijapasažyraŭ. Ich zaćvierdziła Ministerstva transpartu, i jany skiravanyja na palapšeńnie jakaści i biaśpieki avijapasłuh.
Novyja patrabavańni tyčacca ŭsich kampanij, zarehistravanych u Biełarusi, jakija supracoŭničajuć z Nacyjanalnym aeraportam Minsk i zajmajucca absłuhoŭvańniem pasažyraŭ, bahažu, hruzaŭ i paštovych adpraŭleńniaŭ.
Dakumient rehuluje ŭvieś praces — ad rehistracyi pasažyra i pryjomu bahažu da jaho vydačy i dastaŭki hruzaŭ i pošty. Upieršyniu asobnaja ŭvaha nadajecca palapšeńniu ŭzajemadziejańnia pamiž avijakampanijami, aeraportami i paštovymi słužbami.
Siarod hałoŭnych źmien — uviadzieńnie ličbavych servisaŭ i aptymizacyja apracoŭki hruzaŭ i pošty. Taksama ŭzmacnilisia patrabavańni da jakaści pasłuh dla pasažyraŭ, u tym liku standartnyja praviły dapamohi ludziam z abmiežavanymi mahčymaściami i chutčejšy razhlad ich zvarotaŭ.
Akramia taho, pašyryli pieralik situacyj, kali pasažyry mohuć raźličvać na kampiensacyju za zatrymki bahažu ci hruza.
Kamientary