«Zrabili pravilnyja vysnovy». Ministr enierhietyki acaniŭ likvidacyju nastupstvaŭ niepahadzi
Ministr enierhietyki Dzianis Maroz raskazaŭ, jakija vysnovy ŭ sistemie ministerstva zrobleny paśla stychii, što prajšła pa Biełarusi, paviedamlaje BiełTA.
«U minułym hodzie było maštabnaje ŭździejańnie stychii na enierhasistemu. U hetym hodzie maštaby praktyčna takija ž, jak u minułym. Ale my ŭsie zafiksavali, što reahavańnie enierhasistemy na takuju niepahodu akazałasia značna bolš efiektyŭnym. Heta značyć, ź minułaj niepahody my zrabili pravilnyja arhanizacyjnyja vysnovy, padrychtavali adpaviednyja resursy dla taho, kab u vypadku ŭździejańnia niepahadzi chutka zajmacca likvidacyjaj», — adznačyŭ ministr.
Ciapier śpiecyjalisty aceńvajuć, jak spracavała sistema.
«My na hetym nie spyniajemsia. Pravodzicca analiz pryčyn takoha masavaha paškodžańnia bietonnych apor u enierhasistemie ŭ suviazi z pavialičanaj skoraściu vietru, raspracoŭka dadatkovych mierapryjemstvaŭ, nakiravanych na ŭzmacnieńnie enierhasistemy i zdolnaści jaje pieražyvać takoha ŭzroŭniu kataklizmy», — skazaŭ ministr.
9-11 lipienia elektrazabieśpiačeńnie parušałasia ŭ bolš jak 1,3 tysiačy nasielenych punktaŭ. Situacyja ŭskładniałasia tym, što navalničny front pieramiaščaŭsia pa terytoryi krainy, vyklikajučy novyja technałahičnyja parušeńni.
Usiaho pracavali bolš za 300 bryhad, bolš za 1,4 tysiač śpiecyjalistaŭ. Było zadziejničana zvyš 430 adzinak techniki i 12 dyziel-hienieratarnych ustanovak dla zabieśpiačeńnia časovaha elektrazabieśpiačeńnia spažyŭcoŭ.
U Minpracy raskazali, chto moža atrymać kampiensacyju za nastupstvy niepahadzi
Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem
Śledčy kamitet apublikavaŭ padrabiaznaści hibieli žančyny ŭ Mahilovie, na jakuju ŭpała dreva
U Bresckaj vobłaści bieź śviatła paśla navalnicy zastalisia dziasiatki nasielenych punktaŭ
Łukašenka: My hatovyja zaklučyć vialikuju ździełku z ZŠA70
Kamientary
Prosto obo... v etom hodu mieńšie, čiem v prošłom, no uvidieli v etom podvih.