«Kali ty chočaš vajny — my ŭzbroim Ukrainu, a Jeŭropa za heta zapłacić». Pradstaŭnik ZŠA pry NATA raskazaŭ pra sihnał Pucinu
ZŠA spyniajuć biazvypłatnaje finansavańnie vajskovaj dapamohi Ukrainie, ale nie admaŭlajucca ad dapamohi ŭvohule, zajaviŭ pastajanny pradstaŭnik krainy pry NATA Mećju Uitakier u efiry Fox News.
«Prezident Tramp pryniaŭ vielmi razumnaje rašeńnie i zaklučyŭ pahadnieńnie z NATA, zhodna ź jakim Jeŭropa i Kanada buduć apłačvać ŭzbrajeńnie, a ZŠA — vyrablać jaho.
Heta taksama pasyłaje Uładzimiru Pucinu vielmi vyrazny sihnał: «My dali tabie šaniec na mir. Prezident Tramp — miratvorac. Ale kali ty chočaš vajny — my ŭzbroim Ukrainu, a Jeŭropa za heta zapłacić», — skazaŭ Uitakier.
«Vidavočna, što my stvarajem najlepšyja sistemy ŭzbrajeńnia ŭ śviecie, i ŭsie chočuć ich atrymać.
My budziem addavać pryjarytet pastaŭkam hetych uzbrajeńniaŭ Ukrainie», — zapeŭniŭ amierykanski pradstaŭnik pry NATA.
Jon ličyć heta surjoznym krokam da zaviaršeńnia vajny.
«Za apošnija 18 miesiacaŭ Rasija zachapiła kala adnaho adsotka ŭkrainskaj terytoryi. Heta nie pośpiech. Kožny dzień jany stračvajuć tysiačy sałdat. Nadta šmat mirnych žycharoŭ va ŭkrainskich haradach atrymlivajuć ranieńni. Tak što, pa-mojmu, heta nastupny važny krok da zakančeńnia kanfliktu.
Ale kali Uładzimir Pucin navažycca praciahvać vajnu na ŭkrainskaj ziamli, Złučanyja Štaty buduć pradavać zbroju Jeŭropie, kab Ukraina mahła abaraniacca», — adznačyŭ Mećju Uitakier.
ZŠA pastaviać praz NATA zbroju Ukrainie na $10 miljardaŭ
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie
Tramp: 17 sistem Patriot adpravim va Ukrainu
ZŠA źbirajucca pieradać Kijevu kryłatyja rakiety JASSM
Pucin papiaredziŭ Trampa, što ŭ nastupnyja 60 dzion płanuje čarhovy nastup na ŭschodzie Ukrainy
Žonka Statkieviča raskazała, pra što paśpieła parazmaŭlać ź im13
Kamientary