Ułady aryštavali ziamielny ŭčastak eks-redaktarki «Novaha Času» Aksany Kołb
Aryšt majomaści adbyŭsia jašče 31 lipienia 2024 hoda, ale pra heta Aksana Kołb daviedałasia dniami. Jana miarkuje, što heta adbyłosia ŭ miežach kryminalnaj spravy, zaviedzienaj na jaje naprykancy 2023 hoda nibyta «za dyskredytacyju» i «sadziejničańnie ekstremisckaj dziejnaści», paviedamlaje BAŽ.
Byłaja redaktarka «Novaha Času» Aksana Kołb kaža, što ŭsia majomaść, što zastavałasia ŭ jaje ŭ Biełarusi, składała «ziamielny ŭčastak ŭ 6 sotak, spadčyna pa mamie, i kala 30 akcyj pradpryjemstva «Lidabudmateryjały».
«Dniami vyśvietliłasia, što 31 lipienia 2024 na ŭčastak nakłali aryšt. Ci aryštavanyja akcyi, nie viedaju, ale, dumaju, što tak. Spraŭdzić pakul što, praŭda, nie mahu», — raspaviała žurnalistka słužbie manitorynhu BAŽ.
Aksana Kołb ličyć, što aryšt adbyŭsia ŭ miežach kryminalnaj spravy, zaviedzienaj na jaje naprykancy 2023 hoda. Padrabiaznaściaŭ jana nie viedaje — tolki toje, što sprava raspačataja Śledčym kamitetam u Breście nibyta «za dyskredytacyju» i «sadziejničańnie ekstremisckaj dziejnaści».
Niama infarmacyi i pra rašeńnie suda Vałožynskaha rajona, kudy Aksanu Kołb «u jakaści asudžanaj» vyklikali pozvaj na 19 sakavika 2025 hoda pa zajavie miascovaha RAUS «ab zamienie pryznačanaha pakarańnia na bolš strohaje». Aksanie Kołb u 2022 hodzie pryznačyli 2,5 hady «chimii», paśla prysudu jana akazałasia časova svabodnaj i pakinuła Biełaruś.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary