Sud abaviazaŭ USAGM vypłacić Radyjo Svaboda srodki za 2025 finansavy hod
Sud u ZŠA zadavoliŭ chadajnictva miedyakarparacyi Radyjo Svabodnaja Jeŭropa/Radyjo Svaboda (RSIE/RS) ab vydačy papiaredniaj sudovaj zabarony ŭ pazovie suprać Ahienctva ZŠA pa hłabalnych miedyja (USAGM) z-za niepieraličeńnia vydzielenych joj raniej Kanhresam srodkaŭ, piša Rasijskaja słužba Radyjo Svaboda.
Sudździa Akruhovaha suda akruhi Kałumbija Rojs Łambiert u rašeńni ad 18 lipienia pastanaviŭ, što USAGM abaviazana pieraličyć RSIE/RS usie vydzielenyja na 2025 finansavy hod Kanhresam srodki, dahetul nie pieraličanyja miedyakarparacyi. Sudździa pryjšoŭ da vysnovy, što patrabavańni USAGM uvieści novyja abciažarvalnyja ŭmovy jak umovu dla pieraličeńnia hrantaŭ, a taksama admova Ahienctva vieści dobrasumlennyja pieramovy z RSIE/RS, parušajuć zakon.
«Nakolki viadoma sudu, jašče nie było vypadku, kab ahienctva patrabavała całkam źmianić umovy šmathadovaha supracoŭnictva z atrymalnikam hranta, a zatym admaŭlałasia ad pieramovaŭ, asabliva kali pavodle zakona jano abaviazana štohod vydzialać srodki hetamu atrymalniku», — adznačyŭ sudździa.
Pahroza spynieńnia finansavańnia RSIE/RS vyklikała chvalu spačuvańnia z boku śpiecyjalistaŭ pa ŚMI, analitykaŭ i abaroncaŭ demakratyi pa ŭsim śviecie, a taksama aŭdytoryi, jakoj viaščaje na 27 movach u 23 krainach miedyakarparacyja.
U svaim rašeńni sudździa Łambiert padkreśliŭ, što «vidavočnaje ihnaravańnie USAGM svaich abaviazacielstvaŭ pa finansavańni» pryviało da masavych zvalnieńniaŭ supracoŭnikaŭ RSIE/RS, admieny niekatorych prahram i značnaj škody dla hłabalnaha ŭpłyvu miedyakarparacyi, jaki jaje redakcyi naroščvali dziesiacihodździami.
Prezident i hienieralny dyrektar RSIE/RS Styŭ Kapus u svajoj zajavie skazaŭ, što rašeńnie suda — «vynik upartaj jurydyčnaj baraćby za atrymańnia srodkaŭ, nieabchodnych dla vykanańnia našaj žyćciova važnaj misii».
«Hetaja pieramoha stvaraje dla našych žurnalistaŭ nieabchodny impuls dla praciahnieńnia pracy i zabieśpiačeńnia našaj aŭdytoryi (amal 47 miljonaŭ čałaviek na tydzień) dakładnaj infarmacyjaj, jakaja supraćdziejničaje złamysnaj prapahandzie aŭtarytarnych režymaŭ», — dadaŭ jon.
«Zaraz jak nikoli važna nie sastupać infarmacyjnuju prastoru tyranam», — padkreśliŭ Kapus, adznačyŭšy, što dziakujučy rašeńniu suda «RSIE/RS zmoža pa-raniejšamu prasoŭvać nacyjanalnyja intaresy ZŠA ŭ śfiery biaśpieki».
USAGM — niezaležnaje ŭradavaje ahienctva ZŠA, jakoje zabiaśpiečvaje navinavaje i infarmacyjnaje viaščańnie. U jaho skład uvachodziać takija srodki masavaj infarmacyi, jak RSIE/RS, Hołas Amieryki, Radyjo Svabodnaja Azija, Ofis viaščańnia na Kubu (Radyjo Marci), Blizkaŭschodnija viaščalnyja sietki i Fond adkrytych technałohij. Ahulny biudžetny zapyt USAGM na 2025 finansavy hod składaŭ 950 miljonaŭ dołaraŭ. Zapyt biudžetu na 2025 hod dla RSIE/RS, pavodle dakumientaŭ USAGM, składaŭ kala 153 miljonaŭ dalaraŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary