Hiendyrektar IT-kampanii Astronomer, jaki trapiŭ u kadr z kachankaj na kancercie Coldplay, zvolniŭsia
Momant ich abdymkaŭ razyšoŭsia pa siecivie, i heta ŭbačyli miljony.
Hienieralny dyrektar IT-kampanii Astronomer Endzi Bajran, jaki trapiŭ u kadr z kachankaj na kancercie Coldplay, padaŭ u adstaŭku. Pra heta 19 lipienia paviedamiła sama kampanija.
«Jak užo havaryłasia raniej, Astronomer prychilnaja kaštoŭnaściam i kultury, jakimi my kirujemsia z momantu zasnavańnia kampanii. Ad našych kiraŭnikoŭ čakajecca, što jany buduć zadavać standarty jak u pavodzinach, tak i ŭ adkaznaści, ale ŭ apošni čas hetyja standarty nie vykonvalisia. Endzi Bajran padaŭ u adstaŭku, i Rada dyrektaraŭ pryniała jaho adstaŭku».
Ciapier šukajuć novaha hienieralnaha dyrektara. Jaho abaviazki časova vykonvaje suzasnavalnik i hałoŭny dyrektar pa praduktach Astronomer Pit Dedžoj.
Nahadajem, na kancercie hurta Coldplay u Bostanie kamiera vypadkova źniała kiraŭnika IT-kampanii Astronomer Endzi Bajrana i dyrektarku adździeła kadraŭ Kryścin Kabot, jakija stajali abniaŭšysia. Videa pakazali na vialikich ekranach stadyjona padčas pieśni jak častku tradycyjnaha momantu kiss cam (kamiery dla pacałunkaŭ). Mužčyna raptoŭna adchinuŭsia ad žančyny i schavaŭsia za aharodžu, a jana prykryła tvar rukami. Ale scenu ŭbačyli 66 tysiač hledačoŭ u žyvym efiry i paśla miljony ŭ sacyjalnych sietkach.
Žanaty kiraŭnik IT-kampanii trapiŭ u kadr z kachankaj na kancercie ŭlubionaha hurta. Heta stała dla pary niespadziavankaj VIDEA
Žonka kiraŭnika IT-kampanii, jakoha zaŭvažyli na kancercie z kalehaj-kachankaj, adreahavała na situacyju
Hiendyrektara IT-kampanii adchilili paśla videa z padnačalenaj na kancercie Coldplay
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary