Bili taburetkaj i tušyli niedapałki ab cieła. Inšaziemcy ŭ Minsku vykrali indyjca i vymahali ŭ jaho hrošy
Mužčyny paabiacali indyjcu dapamahčy trapić u Jeŭrasajuz. Ale heta była pastka.
U Minsku dvuch inšaziemcaŭ buduć sudzić za vykradańnie čałavieka i vymahańnie. U śniežni 2024 hoda jany zavabili da siabie ŭ kvateru jašče adnaho inšaziemca. Mužčyny — adnamu 29 hadoŭ, druhomu 21 — paabiacali jamu dapamahčy trapić u Jeŭrasajuz.
Ale heta była pastka. Inačaziemcy začynili svaju achviaru ŭ vannym pakoi i pačali jaho katavać dy vymahać hrošy. Fihuranty prymusili paciarpiełaha całkam źniać vopratku, nanieśli nie mienš za 24 udary nahami, mietaličnaj truboj i nožkaj ad taburetki, nie mienš za 13 parezaŭ nažom, a taksama patušyli ab mužčynu niedapałak cyharety.
Mužčyny patrabavali ŭ paciarpiełaha i jaho maci 2 miljony indyjskich rupij, to-bok 81 tysiaču rubloŭ. Prakuratura nie raskryvaje hramadzianstva zatrymanych i paciarpiełaha, ale pa ŭskosnych danych možna mierkavać, što vykradzieny byŭ indyjcam.
Ci ŭdałosia napadnikam atrymać hrošy, nieviadoma. Ale ich urešcie zatrymali i buduć sudzić. Pra los paciarpiełaha prakuratura taksama ničoha nie paviedamlaje.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary