Piaskoŭ: Sustreča Pucina i Zialenskaha da kanca leta małaimaviernaja
Pres-sakratar Kramla Dźmitryj Piaskoŭ usumniŭsia ŭ mahčymaści asabistaj sustrečy prezidenta Ukrainy i Rasii Uładzimira Zialenskaha i Uładzimira Pucina da kanca žniŭnia.
«My z vami žyviem u taki čas, kali skazać, što niešta dakładna nie adbudziecca, niemahčyma. Ale, uličvajučy toj abjom pracy, jaki treba vykanać, kab zblizić pazicyi, dla nas, kab zabiaśpiečyć svaje intaresy, ciažka ŭjavić, jak možna skačkapadobna pieraadoleć hetuju adlehłaść», — zajaviŭ Piaskoŭ, adkazvajučy na pytańni žurnalistaŭ, paviedamlaje Rasijskaja słužba Radyjo Svaboda.
Pravieści da kanca hetaha leta asabistuju sustreču Zialenskaha i Pucina prapanavaŭ ukrainski bok na pieramovach Ukrainy i Rasii, što adbylisia ŭ sieradu ŭ Stambule. Zhodna z hetym prapanovaj, sustreča pavinna była adbycca ŭ prysutnaści prezidentaŭ ZŠA i Turcyi Donalda Trampa i Redžepa Erdahana.
Kamientary