Student prajhraŭ u karty i pajšoŭ u kramu pa šakaładku absalutna hoły
U Minsku buduć sudzić 21-hadovaha studenta, jakoha abvinavačvajuć u chulihanstvie. Jak paviedamili ŭ prakuratury Partyzanskaha rajona, małady čałaviek byŭ zatrymany paśla incydentu, jaki adbyŭsia padčas viačerniaj hulanki ź siabrami, pišuć «Minsk-Naviny».
Kampanija vypivała i hrała ŭ karty «na žadańnie». Student prajhraŭ i musiŭ pa ŭmovach pary pajści ŭ kramu pa šakaładku, ale pry hetym być absalutna hołym.
Hetaja krama znachodzicca na 2-m zavułku Bahracijona. Niahledziačy na zaŭvahi inšych kupcoŭ, chłopiec biez adzieńnia zajšoŭ u kramu, uziaŭ šakaładku i pajšoŭ da kasy samaabsłuhoŭvańnia.
Na nastupny dzień studenta zatrymali. Suprać jaho zaviali kryminalnuju spravu pavodle art. 339 č. 1 Kryminalnaha kodeksa (chulihanstva) — za naŭmysnyja dziejańni, jakija hruba parušajuć hramadski paradak i prajaŭlajuć jaŭnuju niepavahu da hramadstva. Pa zakonie za heta mohuć pryznačyć da troch hadoŭ pazbaŭleńnia voli.
Abvinavačany — student 4-ha kursa adnoj sa staličnych VNU, raniej sudzimy nie byŭ, vinu pryznaŭ i raskajaŭsia. Da jaho ŭžyli mieru strymańnia ŭ vyhladzie padpiski ab niavyjeździe i naležnych pavodzinach.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary
I nie treba tolki pra błatnuju bzduru typu "kartačny abaviazak - abaviazak honaru". U pysu plunuć takomu błatnomu, i na hetym "kartačny abaviazak" by skončyŭsia. Luby ruch u bok hvałtu ŭ sučasnaj Biełarusi skončyŭsia b milicyjaj imhnienna.
Reziume - studentu pa spravach, poŭny doŭbień.
A kab vyrašyć, ci było chulihanstva hrubym, treba uvažliva, bujnym płanam i ŭ detalach, pahladzieć na praces pakupki šakaładki. Moža, tam byŭ niejki drobny žart.