«U bližejšyja hadziny vyrašycca los 29% terytoryi DNR, što zastalisia pad kantrolem Ukrainy»
Rasijskija vojski prasunulisia na poŭnač ad Pakroŭska, pahražajučy adrezać Słaviansk i Kramatorsk ad Dniapra. Ukraina maje zusim mała času, kab kontrudaram viarnuć i praduchilić dalejšyja terytaryjalnyja straty, piša vajenny ahladalnik Bild Julijan Ropkie.
«Nastupnyja hadziny vyznačać los tych 29%, što jašče kantralujucca Ukrainaj u Danieckim rehijonie», — piša Ropkie.
Rasijskija vojski na poŭnač ad Pakroŭska prasunulisia pieššu i na lohkaj technicy na hłybiniu kala 18 kiłamietraŭ. Pry hetym jany abyšli Dabrapolle i dasiahnuli šašy, jakaja złučaje Dniapro sa Słavianskam i Kramatorskam.
U Ukrainy ciapier vielmi vuzkaje akno času, kab adrezać hetyja padraździaleńni — idealna z boku Dabrapolla — i źniščyć ich, piša ahladalnik.
Na jaho dumku, heta mahčyma, kali Kijevu ŭdasca skamplektavać miechanizavanych padraździaleńni i arhanizavać frantalnuju ataku, bo rasijskija vojski pakul nie majuć FPV-dronaŭ u hetym rajonie.
Kali ž Ukraina nie paśpieje, drony i miechanizavanyja adzinki mohuć chutka źjavicca, zamacavaŭšysia i zaniaŭšy novyja terytoryi.
U vypadku realizacyi takoha scenaru apošnija bujnyja harady rehijona — Słaviansk i Kramatorsk — buduć adrezany ad Dniapra i zmohuć atrymlivać zabieśpiačeńnie tolki praz Charkaŭ.
Kali Ukraina nie zmoža źniščyć niekalki sotniaŭ rasijskich sałdat, jakija znachodziacca daloka ad ułasnaj łahistyki, vierahodnaść utrymańnia vobłaści ŭ doŭhaterminovaj pierśpiektyvie budzie minimalnaj.
«Ukrainie treba dziejničać rašuča i ŭ niekalki dzion viarnuć chacia b terytoryju prykładna 15 × 5 kiłamietraŭ. Kali heta nie atrymajecca, śpiral słaboj abarony i straty terytoryj buduć praciahvacca i paskaracca», — piša Ropkie.
U takim vypadku Rasija, imavierna, adkliča prapanovu ab vyvadzie vojsk z Danbasa ŭ abmien na pieramirje, miarkuje vajenny ahladalnik Bild.
Učora stała viadoma, što rasijskaja armija prarvała pad Dabrapollem apošniuju kapitalnuju liniju abarony Danbasa.
-
Zialenski paćvierdziŭ damoŭlenaści ab «enierhietyčnym pieramirji» z Rasijaj
-
Ukrainski kamandzir pryniziŭ kiraŭnictva Rasii: zapisaŭ videa z centra horada, jaki Maskva abviaściła «vyzvalenym»
-
Rasija pačała vykarystoŭvać va Ukrainie šachiedy, padklučanyja da Starlink. Što viadoma i čamu heta niebiaśpiečna
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
To jesť on storońnik Ukrainy, koniečno - no profieśsija u nieho takaja, čto zastavlajet pisať takije staťji. Podožditie chotia by sutki - tuda Azov pieriekinuli.