Rasijskaja armija prarvała pad Dabrapollem apošniuju kapitalnuju liniju abarony Danbasa
Rasijskija vajskoŭcy zmahli ŭvajści ŭ vioski Kučaraŭ Jar i Załaty Kałodzieź na poŭnač ad Pakroŭska na poŭdni Danieckaj vobłaści, paviedamiŭ ukrainski OSINT-prajekt DeepState. Heta aznačaje, što rasijskim vajskoŭcam udałosia pieraadoleć novuju liniju abarony Danbasa — ešałanavanuju sistemu abarončych umacavańniaŭ USU na zachad ad Pakroŭska, Kramatorska i Słavianska, cytuje OSINT-analitykaŭ Playfra i Klemienta Molina (Clement Molin) «Ahientstvo».
Za hetaj linijaj kapitalnyja abarončyja zbudavańni jość tolki vakoł bujnych nasielenych punktaŭ, skazaŭ «Ahientstvu» OSINT-analityk Kirył Michajłaŭ.
Praryŭ stvaraje pahrozu zachopu častki Danieckaj vobłaści, jakaja zastajecca pad kantrolem Kijeva, miarkujuć ekśpierty.
Rasijskija vajskoŭcy prynamsi častkova zachapili Kučaraŭ Jar i Załaty Kałodzieź, častka terytoryi siołaŭ znachodzicca ŭ «šeraj zonie», śviedčyć karta DeepState.
Pa danych prajekta, nadychodziačyja siły sprabujuć zamacavacca i nazapašvajuć siły dla raźvićcia pośpiechu. Rasijskija vajskoŭcy praciahvajuć nastupać u kirunku trasy «Dabrapolle — Kramatorsk», zamacoŭvajučysia ŭ rajonach Novavadzianoha i Piatroŭki, piša DeepState.
Praryŭ adbyŭsia ŭ rajonie budaŭnictva novych, ciažkich abarončych zbudavańniaŭ ź jakasnymi inžyniernymi zaharodami i jakasna pabudavanymi pazicyjami, paviedamiŭ prajekt.
«Vorah ich spakojna abychodzić, a zatym zojmie i vykarystaje dla svajoj abarony. Heta prykład taho, što pobač z dobra pabudavanymi inžyniernymi zbudavańniami nieabchodnyja ludzi, jakija buduć ich utrymlivać, a taksama efiektyŭnaje kamandavańnie, jakoje zmoža ich pravilna vykarystoŭvać», — piša DeepState.
Rasijskija vajskoŭcy vyjšli da novaj linii abarony 21 lipienia, kali dyviersijnyja hrupy źjavilisia na ŭschod ad siała Novaje Šachava, piša OSINT-analityk pad nikam Playfra ŭ X. Paśla hetaha bolš za dva tydni nivodzin z bakoŭ nie raskryvaŭ infarmacyi pra toje, što adbyvajecca ŭ rajonie Novaha Šachava, tolki da viečara 6 žniŭnia źjavilisia paviedamleńni pra pierastrełki ŭ rajonie Załatoha Kałodziezia, havorycca ŭ paście ekśpierta.
Pakul rasijskim vajskoŭcam udałosia prajści novuju liniju abarony tolki na adnym vuzkim učastku, skazaŭ «Ahientstvu» Michajłaŭ. Pavodle jaho słoŭ, heta apošniaja kapitalnaja linija abarony pierad Dnieprapiatroŭskaj vobłaściu i centralnaj častkaj Ukrainy.
«Dalej takija kapitalnyja linii abarony jość tolki vakoł bujnych nasielenych punktaŭ. Łakalnyja ŭmacavańni ŭsiudy jość, ale hałoŭnaja prablema ŭ tym, što ich niama kamu zajmać», — dadaŭ analityk.
Pra heta ž piša i Playfra.
«Apošniaja linija abarony pierad Centralnaj Ukrainaj užo znachodzicca pad udaram», — havorycca ŭ dopisie analityka.
Linija abarony akazałasia prarvanaj u samym uraźlivym miescy, miarkuje Molin. Rasijskija vajskoŭcy vyjšli ŭ tył ukrainskim vojskam, jany mohuć paviarnuć na zachad i pahražać Dabrapollu, abo praciahnuć ruch na poŭnač, i tady Kramatorsk apyniecca pad pahrozaj, napisaŭ analityk.
«Situacyja nie drennaja, jana katastrafičnaja», — miarkuje Malin.
Praryŭ novaj linii abarony, jakuju budavała Ukraina, dazvoliŭ rasijskim vajskoŭcam davoli daloka prasunucca na poŭnač Danieckaj vobłaści, skazaŭ «Ahientstvu» pradstaŭnik daśledčaj hrupy Conflict Intelligence Team (CIT).
«Ciapier vojski znachodziacca na adnoj paraleli z Kanstancinaŭkaj, pačynajučy farmavać vielizarny vystup, u jakim buduć znachodzicca Kanstancinaŭka, Družkoŭka, a pry dalejšym prasoŭvańni na poŭnač — i nasielenyja punkty Kramatorska-Słavianskaj ahłamieracyi. Kali praryŭ budzie ruchacca dalej i pašyracca, pad pahrozaj budzie ŭsia ahłamieracyja», — skazaŭ analityk.
Dalejšaje prasoŭvańnie rasijskich vojskaŭ pastavić pad pahrozu ŭsiu častku Danieckaj vobłaści, jakaja zastajecca pad kantrolem Ukrainy, dadaŭ pradstaŭnik CIT.
Z hetym zhodny i Playfra.
«Situacyja vielmi drennaja. Heta adzin z samych ciažkich momantaŭ dla Ukrainy z 2024 hoda z punktu hledžańnia mahčymych terytaryjalnych strat», — napisaŭ ekśpiert.
Na jaho dumku, ukrainskamu kamandavańniu ŭ najbližejšy čas pryjdziecca pryniać «surjoznaje i vielmi maštabnaje rašeńnie», pakolki resursaŭ USU «vidavočna niedastatkova, kab efiektyŭna prykryvać uvieś front».
Namieśnik kiraŭnika Administracyi Pucina zaklikaŭ jaho spynić vajnu
Jeŭropa padtrymała admovu Ukrainy zdavać svaje terytoryi Pucinu bieź jahonych sastupak
Pucin hatovy na spynieńnie vajny, kali jamu padorać reštu Danieckaj vobłaści — Słaviansk, Kramatorsk i Pakroŭsk
Pucin choča, kab Ukraina pryznała za im uvieś Danbas?
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški39
Kamientary