Prakuror stalicy Aleh Łaŭruchin padzialiŭsia infarmacyjaj ab situacyi z karupcyjaj u horadzie, pišuć Minsk-naviny.
Jon adznačyŭ, što za pieršaje paŭhodździe 2025 hoda ŭ Minsku zafiksavana 321 złačynstva karupcyjnaj nakiravanaści. Heta na 6,5% mienš, čym za anałahičny pieryjad minułaha hoda.
«Karupcyjnyja ryzyki prysutničajuć u luboj hramadskaj śfiery, adnak siońnia najčaściej takija złačynstvy vyjaŭlajucca ŭ pramysłovaści, budaŭnictvie i handli.
Samaj karumpavanaj źjaŭlajecca śfiera zakupak», — padkreśliŭ prakuror.
U jakaści prykładu jon pryvioŭ spravu načalnika adnaho z padraździaleńniaŭ AAT «Biełaruśkalij», jakomu ŭ pačatku 2025 hoda było vystaŭlena abvinavačańnie ŭ chabarnictvie.
— Na razhlad u sud nakiravana kryminalnaja sprava pa abvinavačvańni načalnika strukturnaha padraździaleńnia ŭ atrymańni chabaru za pastaŭku ŭ adras IP likvidnaj pradukcyi ŭ maksimalna mahčymych abjomach.
Jon damoviŭsia z pradprymalnikam ab adpraŭcy pradukcyi, nie vykanaŭšy dziejańniaŭ pa pošuku inšych mahčymych pakupnikoŭ. Za heta indyvidualny pradprymalnik pradaŭ jamu ŭłasny aŭtamabil premium-kłasa pa značna nižejšaj canie ŭ paraŭnańni z canoj na rynku anałahičnych transpartnych srodkaŭ. Takim čynam, pradmietam chabaru byli majomasnyja vyhady ŭ vyhladzie źnižki na aŭtamabil.
U inšym vypadku namieśnik kiraŭnika adnaho sa staličnych dziaržaŭnych pradpryjemstvaŭ za zabieśpiačeńnie vybaru pryvatnaj arhanizacyi ŭ jakaści pieramožcy na tarhach atrymaŭ ad pradstaŭnika firmy chabar 200 tysiač rubloŭ. Sud pastanaviŭ abvinavaŭčy prysud — byłomu kiraŭniku pryznačana pakarańnie ŭ vyhladzie siami hadoŭ pazbaŭleńnia voli sa štrafam, — raskazaŭ Aleh Łaŭruchin.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Chabar, adkaty, tendery.. ŭsio tolki praz svaje firmy. Nieparušnaja kosnaść i zamšełaść ad kanstruktaraŭ da markietołahaŭ, kłopat tolki pra adno - kab tolki nie mianiać toje, da čaho ŭžo zmahli daciahnucca i prysmaktacca.
Kožnamu maładomu inžynieru najpierš davodziać "nie dumaj štości źmianić", a kali prapanuje - "ty łabbiruješ!", albo "nie adpichvaj mianie ad karmuški".
Kałhasnaja haspadarka va ŭsioj svajoj krasie.