Udzielnikaŭ pratestaŭ šukajuć pa polskaj knizie z fotazdymkami z maršaŭ
Jak paviedamlaje Dissidentby, štodzień ludzi paviedamlajuć, što da ich svajakoŭ u Biełarusi prychodziać ź pieratrusami i dopytami. Sprava tyčycca jak tych, chto ŭdzielničaŭ u akcyjach za miežami Biełarusi (ich abvinavačvajuć pa artykule 361-4 KK), tak i tych, chto byŭ udzielnikam pratestaŭ u 2020 hodzie (ich abvinavačvajuć pa art. 342 KK abo 293 KK).
«Niekalki novych faktaŭ z taho, jak šukajuć udzielnikaŭ akcyj pratestu ŭ 2020:
— na kanałach śpiecsłužbaŭ vykładajuć fotazdymki z akcyi dla apaznańnia ŭdzielnikaŭ pratestaŭ. Taksama vielmi šmat materyjałaŭ dla apracoŭki znachodzicca na telefonach i kampjutarach užo zatrymanych (vy mahli trapić na čužuju kamieru).
— apracoŭvajucca fotazdymki z knihi Marsz Białorusi. Sierpień—grudzień 2020 (112 staronak)».
Kniha «Marsz Białorusi. Sierpień—grudzień 2020», jakaja była vydadzienaja jašče ŭ 2021 hodzie, pradajecca na polskich markietpłejsach i źmiaščaje fotazdymki z akcyj pratestu, jakija publikavali roznyja ŚMI.
Pravaabaroncy z «Viasny» pišuć, što atrymali paćviardžeńnie takich zatrymańniaŭ. Im stała viadoma pra niekalki zatrymanych u miežach kryminalnaj spravy, jakich znajšli pa fotazdymkach u knizie.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary
Nie ŭsie tady ŭličvali, što heta taksama zapasny faktar biaśpieki.