Minčanin vypadkova tyrknuŭ palcam u voka znajomaj, a taja ŭ adkaz tknuła jamu ŭ bok nažom
Vyniesieny prysud prybiralščycy adnaho ź minskich pradpryjemstvaŭ za pryčynieńnie ciažkaha cialesnaha paškodžańnia vypadkovamu znajomamu, piša «Minsk-Naviny».
U stanie ałkaholnaha apjanieńnia, pavodle danych prakuratury, 52-hadovaja žančyna paznajomiłasia z 42-hadovym mužčynam, jaki zaprasiŭ jaje da siabie ŭ kvateru na vuł. Taškienckaj. Jana była nie suprać.
Jany pili harełku i razmaŭlali, jak raptam haspadar vypadkova tyrknuŭ hości palcam u voka. Minčanka razzłavałasia, schapiła kuchonny nož, jaki lažaŭ na taburetcy, i ŭdaryła im novaha znajomaha ŭ bok.
U taho pačaŭsia mocny kryvaciok. Asensavaŭšy, što narabiła, žančyna vyklikała chutkuju i pačała prasić paciarpiełaha zmanić, što nibyta jaho paraniŭ na vulicy nieznajomiec.
Miedyki advieźli mužčynu ŭ balnicu, jaho terminova praapieryravali.
Žančynu zatrymali.
— Abvinavačvanaja pracuje prybiralščycaj na adnym sa staličnych kamunalnych pradpryjemstvaŭ, raniej užo mieła prablemy z zakonam, — prakamientavaŭ pamočnik prakurora Zavodskaha rajona pa asablivych daručeńniach Juryj Maškietaŭ, jaki vystupaŭ pa hetaj kryminalnaj spravie dziaržaŭnym abvinavaŭcam.
Sud pryznačyŭ joj pakarańnie ŭ vyhladzie čatyroch hadoŭ abmiežavańnia voli biez nakiravańnia ŭ papraŭlenčuju ŭstanovu adkrytaha typu. Akramia taho, abvinavačvanaja pavinna vypłacić na karyść paciarpiełaha 6 tysiač rubloŭ u jakaści materyjalnaj kampiensacyi pryčynienaj maralnaj škody.
Kamientary