Kala 300 tysiač žycharoŭ Homielskaj vobłaści sahnali na subotnik
Kala 500 čałaviek zavichajecca na kompleksie vajennaj słavy ŭ honar apieracyi «Bahracijon» u Śvietłahorskim rajonie.
«Kala 300 tys. žycharoŭ Homielskaj vobłaści vyjšli na rehijanalny subotnik». Takija danyja paviedamiŭ žurnalistam staršynia Homielskaha abłvykankama Ivan Krupko, piša BiełTA.
Kala 500 čałaviek zavichajecca na kompleksie vajennaj słavy ŭ honar apieracyi «Bahracijon» u Śvietłahorskim rajonie. Mienavita na rekanstrukcyju hetaha kompleksu i buduć nakiravany sabranyja padčas subotnika srodki. Jak raskazaŭ Ivan Krupko, rašeńnie ab rekanstrukcyi abjekta pryniali ŭ minułym hodzie.
«My zrabili prajektna-kaštarysnuju dakumientacyju, prajšli ekśpiertyzu i dakładna abaznačyli, što pavinna być na abjekcie. U 2025 hodzie prystupili da rekanstrukcyi. U sakaviku hetaha hoda praviali pieršy subotnik, sabrali kala Br5 młn. I faktyčna z sakavika pa lipień utvaryŭsia (muziejny) abjekt, dzie budzie raźmieščana muziejnaja ekspazicyja, pryśviečanaja apieracyi «Bahracijon»», — adznačyŭ jon.
«Siońnia, 16 žniŭnia, my znoŭ pravodzim abłasny subotnik. Vielmi ŭdziačnyja ŭsim, chto prymaje ŭdzieł u dobraŭładkavańni, roznych pracach na abjekcie. Heta i žychary, i hramadskija arhanizacyi Homielskaj vobłaści, i deputaty Pałaty pradstaŭnikoŭ Nacyjanalnaha schodu Biełarusi na čale z staršynioj Iharam Sierhiejenka. Pryjemna, što heta maštab usieahulnaha abjekta», — padkreśliŭ staršynia abłvykankama.
Pa słovach Ihara Sierhiejenki, deputacyja Pałaty pradstaŭnikoŭ ad Homielskaj vobłaści prapanavała pajechać u paŭdniova-ŭschodni rehijon inšym deputatam, rabotnikam sakrataryjata Pałaty na abłasny subotnik.
«Vialiki kalektyŭ pryjechaŭ, pracuje razam z kalektyvami vobłaści. Uklučylisia ŭ pracu z bajavym nastrojem. Asabliva važna, što viadziecca takaja praca pa ŭviekaviečańniu pamiaci našych prodkaŭ na hetych ziemlach», — padkreśliŭ staršynia Pałaty pradstaŭnikoŭ.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary