Machlary vymanili ŭ piensijanierki załatyja źlitki amal na 220 tysiač rubloŭ
U Mahiloŭskim abłasnym sudzie razhladzieli apielacyju troch minčukoŭ, asudžanych za machlarstva ŭ składzie arhanizavanaj hrupy ŭ asabliva bujnym pamiery. Złačynnaja hrupa dziejničała pa tradycyjnaj schiemie padmanu piensijanieraŭ, paviedamlaje pres-słužba Hienieralnaj prakuratury.
Machlary patelefanavali 70-hadovaj žančynie z Mahiloŭskaha rajona, pradstaviŭšysia supracoŭnikami arhanizacyi, jakaja zajmajecca enierhazabieśpiačeńniem. Atrymaŭšy jaje telefon i danyja pašparta, machlary pieradali infarmacyju «supracoŭniku Śledčaha kamiteta», jaki pierakanaŭ žančynu, što jana stała achviaraj afierystaŭ.
Paśla hetaha «pradstaŭnik» Nacbanka paraiŭ pieravieści ŭsie aščadžeńni na «biaśpiečny rachunak». Žančyna pieraviała 8,5 tysiač rubloŭ i paviedamiła pra toje, što doma ŭ jaje zachoŭvajucca załatyja źlitki Nacbanka vahoj 700 h, košt jakich pieravyšaŭ 217 tysiač rubloŭ. Machlary pierakanali jaje, što treba pravieryć sapraŭdnaść źlitkaŭ, i dasłali kurjeraŭ, kab ich zabrać.
Sud pryznaŭ fihurantaŭ vinavatymi pa č. 4 art. 209 Kryminalnaha kodeksa Biełarusi. Kožnamu prysudzili pa 7 hadoŭ pazbaŭleńnia voli ŭ kałonii ŭzmocnienaha režymu i štraf 8,4 tysiačy rubloŭ. Padsudnyja nie pryznali viny i nie kampiensavali škodu, ale apielacyjny sud pakinuŭ prysud bieź źmieny.
Kurjer machlaroŭ padmanuŭ i achviaru, i svaich najmalnikaŭ
U Homieli machlary vymahajuć hrošy, vykarystoŭvajučy ŭlikovyja zapisy ICloud
Biełarusbank raskazaŭ, jaki telefonny numar zaŭsiody machlarski
Minčuk skinuŭ machlaram z akna bolš za 18 tysiač dalaraŭ
U Žłobinie mužčynu zamiest kuplenaha kampjutara prysłali pa pošcie pusty korpus
Ciapier čytajuć
Zahinuŭ biełaruski dobraachvotnik Alaksiej Łazaraŭ5
Kamientary