Vy zaŭvažali? Na vulicach, u kaviarniach, u stužcy instahrama milhajuć šlejki ad biusthaltaraŭ, što vyhladajuć z-pad sukienak i majek. I hetamu stylistyčnamu žestu jość tłumačeńnie.
Adkaz na pytańnie, čamu siońnia bačny šlejki ad biusthaltaraŭ, treba šukać u 1990-ch. Mienavita ŭ toje dziesiacihodździe hety pradmiet adzieńnia pa-sapraŭdnamu ŭvajšoŭ u harderob pop-kultury.
Mienavita ŭ 1990-ja, jak nahadvaje The New York Times, Žan-Pol Haćje pieratvaryŭ biusthałtar u vierchniaje adzieńnie, a Madonna zrabiła jahonyja biusthaltary-konusy suśvietnaviadomymi. Paźniej hety vobraz pranik u kalekcyi Džani Viersače i Karła Łahierfielda dla Chanel, a taksama ŭ śviet hranžu.
«Da 1997 hoda znakamitaści i modnicy paŭsiul demanstravali šlejki ad biusthaltaraŭ. Toje, što heta adbyłosia adnačasova z uvachodžańniem u harderob sukienki-kambinacyi, — nie supadzieńnie», — davodzić historyk nižniaj bializny Kora Charynhtan.
Hvien Stefani zrabiła modnymi čornyja biusthaltary pad biełaj majkaj, a Kery Bredšoŭ u sieryjale «Seks u vialikim horadzie» (jaki niadaŭna pieražyŭ svajo adradžeńnie) zrabiła raznastajnyja kantrasnyja biusthaltary častkaj svajho firmovaha stylu.
Uličvajučy, što zaraz styl 1990-ch pieražyvaje praciahłaje adradžeńnie i ŭpłyvaje na modu, viartańnie šlejek było praktyčna pradvyznačanym. Asabliva kali dadać da hetaha toje, jak spartyŭnaje adzieńnie pryvučyła amal usich da vyhladu ludziej u spartyŭnych topach i lehinsach, nie kažučy ŭžo pra vybuch bodzipazityvu i adkrytaści paśla pandemičnych abmiežavańniaŭ.
Jak adznačaje Charynhtan, siońnia vytvorcy bializny śviadoma ŭličvajuć hetuju tendencyju. Jak modnyja damy prapanujuć źmiennyja ručki dla sumak, tak i brendy bializny robiać roznyja varyjanty šlejek: kalarovyja, karunkavyja, ź mietaličnymi detalami. Pa sutnaści, jany razhladajuć šlejku jak jašče adzin aksiesuar.
Adnak, niahledziačy na ciapierašniuju paŭsiudnaść, było b pamyłkaj ličyć, što demanstracyja biusthaltara — heta prosta jašče adzin stylistyčny vybar. U hetym žeście jość niešta i ad buntu, i ad padkreślivańnia žanockaści.
Mienavita taki nastroj demanstravaŭsia na pakazie vosieńskaj kalekcyi 2025 hoda Miu Miu, dzie Miuča Prada pradstaviła vobraz žančyn ź biusthaltarami-konusami, što vyhladvali z-pad šerych kardyhanaŭ i vaŭnianych palito.
«Nam patrebna žanockaść u hety ciažki čas, kab jana nas uzdymała», — padkreśliła dyzajnierka.
Taki padychod, piša NYT, heta nie tolki hulnia sa stylem, ale i palityčny žest. Biusthaltary byli i zastajucca realnaściu žanočaha žyćcia (časam niazručnaj, va ŭsich sensach hetaha słova). Vynosić jaho ŭ publičnuju prastoru aznačaje adkryta kazać pra žanočaje cieła i seksualnaść. I heta asabliva aktualna ŭ momant, kali dyskusii pra kantrol nad žanočym ciełam i ruch «tradycyjnych žonak» nabirajuć siłu.
Ciapier čytajuć
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery2
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary