Stała viadoma, chto budzie chedłajnieram kancerta na Dzień horada ŭ Minsku
U Minsku tradycyjna, u druhuju subotu vieraśnia, adznačajuć Dzień horada — sioleta heta 13‑ie vieraśnia. U 2025‑m biełaruskaj stalicy spoŭnicca 958 hadoŭ.
Start asnoŭnym mierapryjemstvam 13 vieraśnia daść uskładańnie kvietak da abieliska «Minsk — horad‑hieroj», piša Tochka.by.
U zialonaj zonie na praśpiektach Pieramohi i Mašerava razhorniecca fiestyval histaryčnaj rekanstrukcyi «Minsk staražytny». U im voźmuć udzieł bolš jak 500 rekanstruktaraŭ ź Biełarusi, Rasii i Kitaja.
La Pałaca sportu projdzie Nacyjanalny alimpijski dzień z aktyŭnaściami dla ŭsich amataraŭ sportu.
Uviečary 13 vieraśnia minčan i haściej čakaje vialiki kancert la Pałaca sportu. Chedłajnier prahramy — papularny rasijski vykanaŭca MOT — viadomy pieśniami «Muraškami», «Kapkan» i «Žnivień — heta ty».
Taksama na kancercie vystupiać duet sa Smalenska Swanky Tunes, hrupa Iodo Band, minčanin DJ Holdi, trybjut‑šou «NE Ruki Vvierch» i inšyja moładzievyja artysty.
Uvachod na kancert — biaspłatny. Arhanizatary — Minharvykankam i kampanija A1.
Uvohule pa ŭsim horadzie, u tym liku ŭ parkavych zonach, budzie pracavać bolš za 20 placovak z kancertami, spartyŭnymi mierapryjemstvami i majstary na vystavie narodnych ramiostvaŭ.
Śviata zavieršycca fiejervierkam a 23:00.
-
Ciahnikovamu dyśpietčaru, aryštavanamu za karupcyju, dadali abvinavačańnie ŭ «zdradzie dziaržavie»
-
U Minsku pieradumali znosić chruščoŭki. Renavacyja zakranie dvuch-trochpaviarchovyja damy
-
Cichanoŭskaja abmierkavała ź ministram zamiežnych spraŭ Ukrainy detali pryznačeńnia novaha śpiecpasłańnika ŭ Biełarusi
Kamientary