Lavon Volski źmianiŭ imidž i pakazaŭ novaha člena siamji — ščaniuka-taksu FOTA
Muzyka Lavon Volski apublikavaŭ u sacsietkach intryhoŭny dopis usiaho z troch słoŭ: «Novaja staronka žyćcia». Samyja ŭvažlivyja pabačyli na fota ščaniuka — novy etap u žyćci artysta sapraŭdy źviazany sa źjaŭleńniem jašče adnaho člena siamji — taksy.
«Siońnia ščaniuku spaŭniajecca try miesiacy. Naturalna, kali my jaho ŭziali, žyćcio źmianiłasia — mała śpim, rana padymajemsia, bolej času pravodzim na śviežym pavietry. A jašče — pryščepki, pachody da vieterynara, kupla ŭsiaho nieabchodnaha — roznyja turboty, jakija zabirajuć šmat času, — raspavioŭ «Našaj Nivie» pra novyja abaviazki Lavon Volski. — Ale ŭsio heta kampiensujecca stanoŭčym nastrojem, jaki prynosić u žyćcio miły, viasioły sabaka».
Mianušku taksy artyst pakul trymaje ŭ sakrecie — mahčyma, raspaviadzie šyrokaj publicy, jak zrobiać usie pryščepki. Uziali sabaku ŭ prafiesijnych zavodčykaŭ pad Varšavaj. Taksy z žorstkaj poŭściu — dosyć maładaja paroda, vyviedzienaja dla palavańnia ŭ chałodny čas u miescach, dzie treba pradziracca praz huščar tam, dzie zvyčajnaja taksa mahła b paranicca. Ceny na takuju parodu pačynajucca ad 400 dalaraŭ.
Na fiestyvali biełaruskaj muzyki Graj, dzie Volski dniami vystupaŭ z «Krambambulaj», hledačy zaŭvažyli i pieramieny ŭ imidžy lidara hurta — ciapier jaho vałasy nabyli čyrvona-ružovaje adcieńnie.
«Nakont koleru — ja ŭsim kažu, što narešcie pierastaŭ farbavać vałasy, voś i adraśli naturalnaha koleru. Akurat pasujuć pad čyrvonyja krambambulnyja nahavicy», — z humaram raskazvaje pra novuju fryzuru muzyka.
Raniej jon radavaŭ prychilnikaŭ roznymi vobrazami — sprabujučy siabie i z dredami, i z samymi raznastajnymi stryžkami, to vyholvajučy skroni, to znoŭ viartajučy rokierskija daŭhija pasmy.
Ciapier čytajuć
ZŠA pieradali Łukašenku najnoŭšyja amierykanskija leki dla pachudzieńnia18
Kamientary
Vyviediena u metach palavańnia na źviarou jakija mieškajuć u norach: barsukou, lisau... janotapadobnych 🐕 sabakau. Voś dla čaho joj i patrebna takaja hrubaja pouść- kab skura ziamloju nie zabivałasia!