Praviły arhanizacyi (budaŭnictva), ekspłuatacyi aŭtamabilnych stajanak i parkovak, karystańnia imi skarekciravanyja pastanovaj urada Biełarusi, pišuć Minsk-Naviny.
Miascovyja vykanaŭčyja i rasparadčyja orhany bazavaha terytaryjalnaha ŭzroŭniu zmohuć vyznačać, pa‑pieršaje, miescy raźmiaščeńnia płatnych parkovak, pa‑druhoje — pamier płaty za karystańnie imi, uklučajučy vypadki nieŭniasieńnia abo niapoŭnaha ŭniasieńnia patrebnaj sumy, pa‑treciaje — čas biaspłatnaha znachodžańnia transpartu na płatnych parkoŭkach, u tym liku dla pasadki i vysadki pasažyraŭ, pahruzki i razhruzki tavaraŭ, pa‑čaćviortaje — apieratara parkovak dla aŭto.
Vyznačany paradak arhanizacyi płatnych parkovak, karystańnia imi i ŭniasieńnia płaty za heta, u tym liku abaviazak karystalnika płatnaj parkoŭkaj, nie abstalavanaj pryładami dla ŭliku času, techničnymi srodkami, što pieraškadžajuć vyjezdu transpartu ŭ vypadku nieapłaty, raźličvacca z momantu raźmiaščeńnia aŭto na takoj parkoŭcy. Fakt znachodžańnia transpartnaha srodku na joj, a taksama ŭniasieńnia abo nieŭniasieńnia płaty za karystańnie joju vyznačaje apieratar parkovak z dapamohaj techničnych srodkaŭ.
Dakumientam taksama ŭstanoŭleny abaviazki apierataraŭ aŭtamabilnych parkovak i paradak apłaty pasłuh apieratara.
U praviłach skazana, što pry zaklučeńni damovy ŭłaśnik transpartu pavinien pradjavić uładalniku aŭtastajanki paśviedčańnie ab rehistracyi transpartu (techpašpart, fizičnaja asoba — dakumient, jaki paćviardžaje asobu. Pry źmienie miesca znachodžańnia (žycharstva) aŭtaŭładalnika abo inšych danych, što źmiaščajucca ŭ damovie, patrabujecca paviedamić pra heta ŭładalniku stajanki piśmova na praciahu piaci dzion. Taksama prapisana, jak vydajecca transpart u vypadku śmierci jaho ŭładalnika.
Ciapier čytajuć
«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla1
Kamientary