Łabaratoryi dźviuch krain paćvierdzili, što Navalnaha atrucili ŭ turmie
Pierad śmierciu palityk pakutavaŭ ad mocnych bolaŭ, sutarhaŭ i vanitaŭ, ale miedycynskaja dapamoha jamu svoječasova akazana nie była. Videazapisy apošnich sutak žyćcia Navalnaha ŭ kałonii nie zachavalisia.
Łabaratoryi dźviuch krain niezaležna adna ad adnoj paćvierdzili, što apazicyjnaha palityka Alaksieja Navalnaha atrucili ŭ turmie ŭ lutym 2024 hoda. Pra heta paviedamiła jaho ŭdava Julija Navalnaja.
Pavodle jaje słoŭ, u lutym 2024 hoda blizkim Navalnaha ŭdałosia vyvieźci za miažu i pieradać adnoj z zachodnich łabaratoryj jaho bijałahičnyja ŭzory.
«Jašče ŭ lutym 2024 hoda my zmahli atrymać i nadziejnym sposabam pierapravić za miažu ŭzory bijałahičnaha materyjału Alaksieja. Łabaratoryi, prynamsi, dźviuch krain, niezaležna adna ad adnoj, praviali daśledavańnie hetych uzoraŭ. Łabaratoryi dźviuch krain pryjšli da vysnovy, što Alaksiej byŭ zabity, a mienavita, atručany», — skazała jana.
Taksama Julija Navalnaja adznačyła, što, zhodna sa śviedčańniami piaci supracoŭnikaŭ kałonii, pierad śmierciu palityk pakutavaŭ ad mocnych bolaŭ, sutarhaŭ i vanitaŭ, ale miedycynskaja dapamoha jamu svoječasova akazana nie była. Videazapisy apošnich sutak žyćcia Navalnaha ŭ kałonii nie zachavalisia.
U videa Navalnaja taksama kaža, što rasśledavańnie śmierci Navalnaha tarmozicca z-za mierkavańniaŭ palityčnaj metazhodnaści. Vyhladaje, jana maje na ŭvazie nie rasijskija, a jeŭrapiejskija ŭłady.
«Ja zajaŭlaju, što Uładzimir Pucin vinavaty ŭ zabojstvie majho muža, Alaksieja Navalnaha.
Ja abvinavačvaju rasijskija śpiecsłužby ŭ raspracoŭcy zabaronienaj chimičnaj i bijałahičnaj zbroi.
Ja patrabuju ad łabaratoryj, jakija pravodzili daśledavańni, apublikavać vyniki.
Pierastańcie zaihryvać z Pucinym ź niejkich vyšejšych mierkavańniaŭ. Vy nie zmožacie jaho zadavolić. Pakul vy maŭčycie, jon nie spyniajecca. Mahčyma, mienavita zaraz niechta jašče pamiraje ad jadu, jakim jon zahadaŭ atrucić. Nie tolki ŭ Rasii — i pa ŭsim śviecie, my ŭžo bačyli takija prykłady», — havoryć jana.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6565
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie65
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
otraviť tak, čtoby uśpieť vypustiť, čtoby on umier užie na svobodie. no dozu nie rassčitali, niedoocieniv osłablennyj orhanizm, i słučiłoś tak, kak słučiłoś.
potomu čto śliškom mnohoje na eto ukazyvajet.