U samym centry Minska, pa adrasie vulica Revalucyjnaja, 32, u najbližejšyja tydni adčynić dźviery Muziej piva, nad jakim kamanda Lidbeer pracavała niekalki hadoŭ. Ramont užo zavieršany, a ciapier idzie finalnaje afarmleńnie ekspazicyjnych załaŭ. Aficyjnaje adkryćcio čakajecca prykładna praz 2—3 tydni, paviedamiŭ u fejsbuku historyk Aleh Dziarnovič.
Muziej raźmieścicca ŭ dvuchpaviarchovym budynku i budzie sumiaščać u sabie tradycyjnuju vystavu i hastranamičny farmat — heta značyć, naviedvalniki zmohuć nie tolki ŭbačyć ekspanaty, pryśviečanyja historyi pivavarstva ŭ Biełarusi, ale i pasprabavać roznyja hatunki piva, a taksama stravy nacyjanalnaj kuchni.
Pa sutnaści, prajekt zadumany jak restaran-muziej, dzie možna adnačasova zahłybicca ŭ historyju i atrymać kulinarny dośvied.
U 2014 hodzie ŭ hetym budynku ŭžo dziejničaŭ muziej piva, stvorany pry brovary «Staramiesny pivavar». Tam ekspanavalisia pradmiety, źviazanyja z historyjaj pivavarstva ŭ Biełarusi, sabranyja ŭ roznych rehijonach krainy. Interjery byli śpiecyjalna raspracavanyja pad muziej i navat praduhledžvali ahladnuju placoŭku, kab naviedvalniki mahli nazirać za pracesam pryhatavańnia napoju. Adnak prajekt praisnavaŭ tolki čatyry hady, paśla čaho ŭ budynku adkryŭsia stryptyz-kłub.
Ciapierašniaja inicyjatyva Lidbeer bolš maštabnaja: jana maje na mecie nie tolki pakazać historyju i tradycyi pivavarctva, ale i zrabić muziej častkaj sučasnaha kulturnaha žyćcia Minska. Tut płanujucca interaktyŭnyja elemienty, mahčymyja tematyčnyja imprezy i śpiecyjalnyja prahramy dla naviedvalnikaŭ.
Žychar Smarhonskaha rajona zrabiŭ muziej na ścianie adryny
Pradajuć kalekcyju, kanfiskavanuju ŭ Babaryki. A što stała z tvorami, jakija kanfiskoŭvali nacysty?
Novyja ścieny i stračanyja malaŭničyja dalahlady. Jak vyhladaje Navahrudski zamak paśla rekanstrukcyi
Restaran Mak.by adkryjuć u Baranavičach
U Minsku hareŭ restaran «Čumaćkij šlach»
Ciapier čytajuć
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ1
Kamientary