Prajekt pa dapamozie palityčnym represavanym «Chutkaja humanitarnaja dapamoha» samalikvidujecca
Pravaabarončyja arhanizacyi, jakija ŭvachodzili ŭ kaalicyju, razyšlisia jak u mory karabli. «Bajchełp» i «Bajsoł» pajšli svaimi šlachami. A «Kraina dla žyćcia» i Dissidentby sami, vidać, nie paciahnuli prajekt.
Kaalicyja Chutkaj humanitarnaj dapamohi (CHHD) aficyjna spyniaje svajo isnavańnie.
«Razam my prapanoŭvajem paciarpiełym uvieś mahčymy śpiektr padtrymki — ad apłaty štrafaŭ, pasłuhaŭ advakataŭ i padtrymki siemjaŭ palityčnych viaźniaŭ, da evakuacyi, reabilitacyi i intehracyi za miažoj», — havaryłasia raniej pry prezientacyi prahramy.
Ciapier ža abjadnańnie, jakoje było stvorana dla kaardynacyi chutkaj dapamohi, budzie pierafarmatavana ŭ novuju placoŭku — adkrytuju prastoru dla humanitarnych i pravaabarončych arhanizacyj. Heta, jak śćviardžajecca, dazvolić praciahvać kaardynavać dapamohu palitviaźniam i ŭsim, chto paciarpieŭ ad represij u Biełarusi.
Jak tłumačycca na sajcie prajekta, kaalicyja faktyčna pierastała dziejničać bolš za paŭhoda tamu. Pryčynaj stała šerah prablem, vyjaŭlenych u ramkach pracy ByHelp: mety ŭdzielnikaŭ istotna adroźnivalisia, a taksama byli zaŭvažanyja parušeńni biaśpieki i prazrystaści pracy.
Adnym z klučavych incydentaŭ stała toje, što BySol, jaki ŭvachodzić u kaalicyju, praciahvaŭ pracu z Andrejem Stryžakom, adnosna jakoha byli ŭstanoŭlenyja fakty damahańniaŭ. Praces rasśledavańnia, abiacany BySol, nie byŭ adkryty dla starońnich naziralnikaŭ, što vyklučyła mahčymaść prafiesijnaha supracoŭnictva.
Pa słovach kiraŭnictva kaalicyi, za apošnija paŭhoda było pryniata šmat pryncypovych rašeńniaŭ i pieražyta mnostva składanych kamunikacyj. Vyjaŭlenyja parušeńni etyki i pryncypaŭ akazańnia humanitarnaj dapamohi stvarali niebiaśpiečnuju atmaśfieru, asabliva dla žančyn. Heta i stała kančatkovym arhumientam dla spynieńnia isnavańnia CHHD.
Ciapier infarmacyjny resurs kaalicyi budzie pieraŭtvorany ŭ adkrytuju placoŭku, dzie roznyja arhanizacyi zmohuć naładžvać uzajemadziejańnie i kaardynavać namahańni pa akazańni dapamohi i padtrymcy paciarpiełych ad represij u Biełarusi.
Stryžak: Jakaja pravavaja padstava ŭ Nasty Bazar, kab źbirać infarmacyju pra asabistaje žyćcio ludziej?
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu
Stryžaka i Lavončyka pryznali «terarystami»
Źmicier Jahoraŭ: «Bajsoł» źbirajecca i dalej vypłačvać pa 1000 jeŭra palitviaźniam
«Bajsoł» bolš nie budzie častkaj Mižnarodnaha humanitarnaha fondu
Ciapier čytajuć
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie7
Kamientary
Chacia zdajecca, naadvarot, prajekt pavinien byŭ skazać: voś narešcie vychodziać z turam tyja ludzi, dziela jakich my stvaryli prajekt, my za piać hadoŭ padrychtavalisia i hatovyja vam dapamahčy.