26 vieraśnia ŭ Hruzii supracoŭniki Śledčaj słužby Ministerstva finansaŭ zatrymali troch zamiežnych hramadzian pa abvinavačańni ŭ niezakonnaj pradprymalnickaj dziejnaści. Siarod ich — hramadzianin Azierbajdžana F. H. i dvoje biełarusaŭ A. P. i A. V., piša Reform.news.
Pa viersii śledstva, hetyja ludzi biez abaviazkovaj rehistracyi ŭ Nacyjanalnym banku Hruzii zajmalisia ŭ Tbilisi i Batumi abmienam kryptaaktyvaŭ i atrymlivali značny dachod u vyhladzie kamisii.
Padčas śledčych dziejańniaŭ byli kanfiskavanyja 246 975 dalaraŭ ZŠA, 103 210 hruzinskich łary (kala 38 tysiač dalaraŭ), 1705 jeŭra i inšaja zamiežnaja valuta.
Spravu rasśledujuć pavodle č. 2 art. 192 Kryminalnaha kodeksa Hruzii, jaki praduhledžvaje pakarańnie ad 3 da 5 hadoŭ pazbaŭleńnia voli. Taksama praviarajecca, ci nie było jašče ŭchileńnia ad padatkaŭ i admyvańnia niezakonnych dachodaŭ.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1
Kamientary