Avijakampanija ŭviała opcyju «volnaje kresła pobač», ale jaho jašče treba vyjhrać
Apytańnie pasažyraŭ 2023 hoda pakazała, što 42% hatovyja zapłacić za toje, kab miesca ŭ samalocie pa susiedstvie zastałosia niezaniatym.
Avijapieravozčyk Virgin Australia ŭvodzić opcyju «svabodnaje ad susiedziaŭ miesca» na niekatorych unutranych i bližniemahistralnych maršrutach, pryčym afarmlaje heta ŭ vyhladzie hulni — u adroźnieńnie ad avijakampanij, jakija dazvalajuć prosta vykupić dadatkovyja kresły, piša «Jeŭrańjus». Ciapier pasažyry, jakija zabraniravali bilet ekanom-kłasa ŭ Vrgin Australia, mohuć pryniać udzieł u svajho rodu aŭkcyjonie.
Apłaciŭšy svoj bilet, jany pakidajuć zajaŭku na pustujučaje pobač miesca ŭ dadatku kampanii i pakazvajuć, kolki hatovyja zapłacić za kamfort. Staŭki prymajucca ad 30 aŭstralijskich dalaraŭ (17 jeŭra). Pieramožcy atrymlivajuć apaviaščeńnie nie paźniej čym za dźvie hadziny da zapłanavanaha vyletu.
Praŭda, jość ryzyka taho, što padčas anłajn-tarhoŭ miesca vykupiać ź inšaj anłajn-płatformy. U hetym vypadku aŭkcyjon anulujecca i pasažyry atrymlivajuć pastaŭlenyja hrošy nazad.
Virgin Australia ŭviała hetuju opcyju paśla apytańnia pasažyraŭ, praviedzienaha ŭ 2023 hodzie. Jano pakazała, što 42% klijentaŭ avijakampanii hatovyja płacić za volnaje miesca pobač na mižnarodnych rejsach. Bolš za tracinu respandentaŭ taksama zajavili, što zrabili b toje ž samaje na ŭnutranych rejsach praciahłaściu bolš za try hadziny.
Niekatoryja jeŭrapiejskija pieravozčyki prapanujuć anałahičnyja schiemy. Opcyja Air France «Maja dadatkovaja prastora» dazvalaje pasažyram pryvatyzavać da troch susiednich kresłaŭ. Jana prapanujecca klijentam pry rehistracyi ŭ režymie realnaha času i zaležyć ad najaŭnaści svabodnych miescaŭ.
Taryf raźličvajecca ŭ zaležnaści ad praciahłaści palotu i kolkaści kresłaŭ, jakija pasažyry chočuć pakinuć svabodnymi.
Avijakampanija Lufthansa prapanuje schiemu Free Neighbour Seat, u ramkach jakoj možna zabraniravać susiedniaje miesca na kantynientalnych i mižkantynientalnych maršrutach. Jana taksama prasoŭvaje opcyju Sleepers Row, jakaja pakidaje pasažyram poŭny šerah z troch ci čatyroch kresłaŭ u ekanom-kłasie na dalokamahistralnych rejsach.
Ciapier čytajuć
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?3
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary