Antonaŭka daražejšaja za banany. Pačym ciapier pradajuć jabłyki?
Jašče niadaŭna biełarusy abmiarkoŭvali vysokija ceny na jabłyki — časam u kramach impartnyja kaštavali pa 10 rubloŭ za kiłahram. Błohierka Hanna Bond ździŭlałasia cenam na antonaŭku — ažno pa 15 rubloŭ za kiło. Pahladzieli, pa kolki ciapier možna nabyć jabłyki, dla jakich sioleta nieŭradžajny hod.
Jabłyki pa canie ekzatyčnych fruktaŭ?
«Ja ŭsio razumieju, akramia cen na jabłyki ŭ žniŭni», — pisała biełaruska Aksana ŭ tyktoku. U kramie, kudy jana zajšła, asnoŭnaja častka jabłykaŭ na pryłaŭku była z Polščy.
«U mianie tolki adno pytańnie paśla 10‑dzionnaha adpačynku ŭ inšaj krainie: a z cenami što stałasia? Čamu jabłyki kaštujuć šeść rubloŭ?» — pytaŭsia ŭ Threads Daniił.
A Volha ŭ žniŭni žartavała, što jabłyki pa 8‑9 rubloŭ kaštavali amal jak ekzatyčnaje ličy pa akcyi, jakoje možna było nabyć za 11 rubloŭ.
Žycharka Bresta ŭ pačatku vieraśnia ŭraziłasia cenami ŭ hipiermarkiecie «Hryn». Tam pradavalisia jabłyki za 11 rubloŭ za kiłahram, pryviezienyja z Paŭdniova-Afrykanskaj Respubliki, pa 10,88 rubla za kiło — z Čyli. Jašče adny byli pa 12 rubloŭ — ź Italii.
Sadavod Dźmitryj Parfionaŭ tłumačyŭ, čamu ŭ pačatku vieraśnia byli takija darahija jabłyki z-za miažy.
Biełaruskija jabłyki sa schoviščaŭ skončylisia, a rańni sort, naprykład, «Hała», jašče nie saśpieŭ. Letnija hatunki, pa jaho słovach, fiermiery ciapier nie sadziać — usie vyroščvajuć abo vosieńskija, abo zimovyja hatunki, jakija buduć źbirać u kancy vieraśnia — kastryčniku.
Počiemu v Biełarusi imienno siejčas v mahazinach jabłoko stoit doroho?
U Breście i Hrodnie sioleta ćvicieńnie jabłyni vypała na zamarazki. «Takoj kiepskaj viasny nie było ni razu, kolki ja zajmajusia vytvorčaściu sadaviny», — kaža fiermier.
U Minskaj vobłaści nie tak pamierźli jabłyki, ale niezvyčajna chałodnaja viasna adciahnuła terminy zboru na niekalki tydniaŭ.
Kolki kaštujuć jabłyki ciapier?
Kiłahram biełaruskich jabłykaŭ u katałozie «Jedastaŭki» ciapier kaštuje ad 4,09 da 5,45 rubla. Tańniej za ŭsio kaštujuć tyja jabłyki, jakija pradajucca z ucenkaj. Źnižka 18% dziejničaje dla «Słavy pieramožcam» — takija jabłyki možna kupić za 4,29 rubla.
Anłajn-krama Green prapanuje jabłyki pa 3,58-8,39 rubla za kiłahram. Bolšaść — vyraščanyja ŭ Biełarusi. Źnižka dziejničaje na sort «Džeramini» — jaho možna nabyć pa 4,49 rubla.
Na Kamaroŭcy jabłyki ciapier pradajuć pa 3,6-7,5 rubla za kiłahram.
Banany, dla paraŭnańnia, u kramach ciapier kaštujuć kala 5 rubloŭ za kiło.
U minułym hodzie ŭ Minsku možna było nabyć jabłyki pryblizna pa 2‑4 rubli za kiłahram. Aficyjnaja siaredniaja cana składała 3,9 rubla.
Sioleta jabłykaŭ sabrali amal udvaja mienš, čym letaś
Vysokija ceny na jabłyki ŭ Biełarusi byli abumoŭleny pieradusim nieŭradžajem. Pa słovach premjer ministra Alaksandra Turčyna, tak atrymałasia praź niespryjalnyja ŭmovy nadvorja.
Ahułam u krainie sabrali kala 40% ad taho, jakim uradžaj jabłykaŭ byŭ letaś. Fiermieram, u jakich ciapier składanaja situacyja, Turčyn prapanavaŭ da nastupnaha hoda ŭziać kredyt «na kamfortnych umovach», kab daciahnuć da nastupnaha ŭradžaju.
Dla abarony ŭnutranaha rynku z 1 vieraśnia Biełaruś uviała licenzavańnie na ekspart jabłykaŭ. Dla vyvazu deficytnaj sadaviny Ministerstva antymanapolnaha rehulavańnia i handlu budzie vydavać pradprymalnikam razavyja licenzii — pry hetym ministerstva abaviazana ŭzhadniać kožnuju licenziju ź Minharvykankamam i abłasnymi vykankamami. Źmieny buduć dziejničać šeść miesiacaŭ.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary
Chotieł dohnať i pieriehnať Polšu, v itohie Polša s jabłokami, a my s Łukašienko.
Stranu ostavili biez kartoški, potomu čto vsiu vyvieźli v Rośsiju, hdie jejo ciena v tri raza dorožie, no každyj piatyj biełorusskij kołchoz ubytočien po itoham 2024 h.
Jabłoki dorožie zamorskich fruktov, no sovriemiennyje chraniliŝa nie za čto stroiť...