U Baranavičach ludzi haniajucca za tannymi johurtami, ale nie ŭsim ščaścić ich zdabyć
U Baranavičach uźnik ažyjataž vakoł tannych johurtaŭ, jakija miascovyja nazyvajuć «pierachodami», piša vydańnie BGMedia.
«Pierachody» — heta pradukcyja fabryki «Savuškaŭ pradukt», jakaja vyrablajecca padčas źmieny adnoj fruktovaj dabaŭki na inšuju — naprykład, «kłubnica-malina» abo «hruša-banan». Takija johurty i tvarahi nie pastupajuć u zvyčajnyja kramy i pradajucca značna tańniej, adnak pa jakaści i śviežaści jany nie sastupajuć standartnaj pradukcyi.
Raniej «pierachody» možna było kupić u kramie «Vieras» na vulicy Kamsamolskaj pa canie 46—64 kapiejki, ale kramu zakryli, vyklikaŭšy niezadavolenaść žycharoŭ. Dyrektar vytvorčaha filijała «Savuškaŭ pradukt» u Baranavičach Viktar Rakuć patłumačyŭ, što zakryćcio źviazana ź nizkaj prybytkovaściu kramy, a srodki pieranakiravali na budaŭnictva novaj stałovaj i bufieta na terytoryi samoha pradpryjemstva, dzie taksama pradajucca «pierachody».
Ciapier ludzi štodnia chodziać u bufiet «Savuškavaha» na vulicy 50 hadoŭ BSSR, ale partyi johurtaŭ abmiežavanyja, i ich źjaŭleńnie niepradkazalnaje. Žycharam rajać prychodzić rana, bo paśla 11‑j hadziny pradukcyja ŭžo raskuplena, a rabotniki pradpryjemstva absłuhoŭvajucca ŭ pryjarytetnym paradku. Taksama vyklikaje niezadavolenaść dziejnaść pierakupščykaŭ, jakija skuplajuć johurty vialikimi partyjami.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary