Ciemnaskury student u Minsku paskardziŭsia Łukašenku na darahuju koka-kołu. Užo vybačaŭsia, ale milicyja im zacikaviłasia
«U mianie ciapier prablemy ŭ Biełarusi, i heta zusim nie žart. Kali mianie nie budzie ŭ internecie praz dva-try-čatyry dni, kali łaska: Black Lives Matter».
Afrykaniec Natan Tełofat žyvie ŭ Minsku i viadzie tyktok pad nikam Kinh Niamiha. Pra siabie raskazvaje niašmat: kaža, što vučycca ŭ Biełarusi. Letaś jon byŭ adnym ź viadučych na ANT. U televizijnym šou «Biełyja Rosy» razam ź inšymi zamiežnikami vandravaŭ pa krainie.
Zvyčajna Natan vykładaje ŭ tyktok niejkija banalnyja roliki pad trendavyja huki. Ale ž niadaŭna vyrašyŭ pasprabavać siabie ŭ inšym žanry — zapisaŭ paŭžartaŭlivaje videa, u jakim skardzicca na košt «Koka-koły» ŭ Biełarusi.
— Jak heta mahčyma: «Koka-koła» 2 litry kaštuje 5 rubloŭ 21 kapiejku. Ja pryjechaŭ u Biełaruś u śniežni 2021 hoda. «Koka-koła» była 2 rubli. Ja ŭ šoku. Ja viedaju, što inflacyja jość zaraz u śviecie, ale heta prosta žudasna.
požałujsta, podielitieś etim vidieo
Pa słovach chłopca, napoj jon nabyŭ u kramie «Susiedzi».
Natan źviartaŭsia da biełaruskich ministraŭ i Łukašenki i prasiŭ dapamahčy.
Ščyra kažučy, košt «Koka-koły» — nie samaja vialikaja prablema ŭ Biełarusi, ale čamuści rolik staŭ virusnym. Za piać dzion jon nabraŭ kala 400 tysiač prahladaŭ i bolš za 17 tysiač łajkaŭ. A ŭ kamientaryjach ludzi pačali aktyŭna aburacca tym, jak rastuć ceny ŭ krainie litaralna na ŭsio.
Adznačyŭsia ŭ kamientaryjach i aficyjny akaŭnt «Bieła-koły»: «My ni na što nie namiakajem, ale…».
Praź niekalki dzion Natan vykłaŭ rolik, kab paprasić prabačeńnia ŭ tych biełarusaŭ, jakija paličyli siabie pakryŭdžanymi.
Chłopiec niekalki razoŭ padkreślivaje, što nie kaža pra palityku i prosić nie asacyjavać jaho z palitykaj.
— Mnie ŭsio roŭna. Heta nie maja kraina, heta nie maja sprava. Ja prosta spytaŭ, jak takoje mahčyma.
Prosto nievierojatno, kak niekotoryje ludi mohut vsio viernuť v politiku! Dažie po takoj prostoj tiemie, kak «počiemu podorožała koka-koła» Požałujsta, byť inostrannym studientom — eto užie striess, tak čto ostav́tie mienia.❤️
Jon raskazaŭ, što byccam šmat ludziej napisali jamu i ŭ instahramie, i ŭ telehramie. Ale ŭ kamientaryjach jaho zbolšaha padtrymali (jak i ŭ minuły raz). Ludzi pišuć, što jamu niama za što prasić prabačeńnia.
Zakančvaje Natan videa pryznańniem u lubovi da Biełarusi i prapanovaj pić vadu, kali «Koka-koła» darahaja.
U chutkim časie źjaviŭsia jašče adzin rolik. U im zamiežnik, choć i paśmichajecca, raskazvaje, što jamu ŭžo patelefanavali ź milicyi, kab pahavaryć pra toje rezanansnaje videa.
— Ja nie viedaju, jak tut heta ŭsio pracuje. U mianie ciapier prablemy ŭ Biełarusi, i heta zusim nie žart. Kali mianie nie budzie ŭ internecie dva-try-čatyry dni, kali łaska: Black Lives Matter. Ja bajusia, heta nie maja kraina.
Dziaŭčyna pakazała, jak znajomić ź Biełaruśsiu chłopca ź Izraila — hetyja śmiešnyja videa ablacieli internet
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać
«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin
Ciapier čytajuć
Mer Minska chacieŭ sabie pasadu va ŭradzie, ale Łukašenka nie puściŭ2
Kamientary
Vsieho za odnu niedielu čiornyj ržanoj chleb v dva zachoda podorožał užie na 6,25%.