Kala amierykanskaha ŭźbiarežža znajšli skarb z raźbitaha karabla XVIII stahodździa
Pablizu ŭźbiarežža amierykanskaha štata Fłaryda dajviery znajšli častku stračanych ispanskich skarbaŭ — bolš za tysiaču srebnych i załatych maniet. Ich prykładny košt aceńvajecca ŭ miljon dołaraŭ, paviedamlaje CNN.
Jak miarkujecca, hetyja maniety naležali da hruzu ispanskaj fłatylii, jakaja paciarpieła krušeńnie padčas urahanu 31 lipienia 1715 hoda. Tady karabli, što viartalisia z kałonij u Ispaniju, pieravozili zołata, srebra i kaštoŭnaści.
Maniety, znojdzienyja ciapier, byli adčakanienyja ŭ ispanskich kałonijach u Balivii, Mieksicy i Pieru. Na ich zachavalisia daty i adznaki manietnych dvaroŭ, što maje vialikaje značeńnie dla historykaŭ i kalekcyjanieraŭ.
Sał Hutuza, dyrektar kampanii Queens Jewels LLC, supracoŭniki jakoj znajšli skarb, adznačyŭ:
«Kožnaja manieta — heta častka historyi, adčuvalnaja suviaź pamiž ludźmi, jakija žyli, pracavali i płavali pa mory ŭ załaty viek Ispanii. Znajści tysiaču ź ich za adzin raz — redkaja i niezvyčajnaja źjava».
Ułady Fłarydy zabiaruć 20% znachodki dla zachoŭvańnia, astatniaje budzie padzielena pamiž kampanijaj i jaje padradčykami.
Cikava, što heta nie pieršaja takaja znachodka: raniej u hetym rehijonie ŭžo znachodzili załatyja i srebnyja maniety z taho ž samaha krušeńnia.
U Polščy pačali raskopki na miescy bunkiera SS, šukajučy Burštynavy pakoj. Tam mohuć być i biełaruskija skarby?
Archieołahi raskazali, ci ŭdałosia adšukać na dnie Biareziny skarb Napaleona
U izrailskaj pustyni znajšli zahadkavuju piramidu, poŭnuju skarbaŭ
«Čorny» archieołah zajaviŭ, što heta jon znajšoŭ skarb vialikich kniazioŭ u Kafiedralnym sabory — skandał u Vilni
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary