Piaskoŭ patłumačyŭ, čamu miescam budučaj sustrečy Trampa i Pucina abrany Budapiešt
Vienhryju vybrali dla praviadzieńnia budučaha samita Uładzimira Pucina i Donalda Trampa z-za jaje suvierennaj pazicyi, raspavioŭ Dźmitryj Piaskoŭ.
«Takija rašeńni prymajucca ŭzajemna. U dadzienym vypadku Vienhryja, jak kraina i NATO, i Jeŭrasajuza, zajmaje asablivuju pazicyju z punktu hledžańnia suvierennaści i adstojvańnia ŭłasnych intaresaŭ. Heta vyklikaje pavahu», — skazaŭ Piaskoŭ.
Vienhryja z pavahaj prymie prezidenta Uładzimira Pucina, kali jon pryjedzie na samit z amierykanskim kaleham Donaldam Trampam, paviedamiŭ kiraŭnik MZS krainy Petier Sijarta, piša RBK.
Jon adznačyŭ, što Pucin zmoža bieśpieraškodna pryjechać u Vienhryju i pakinuć krainu.
«Viadoma, my tut u Budapiešcie hatovyja zabiaśpiečyć nieabchodnyja ŭmovy, kab amierykanski i rasijski prezidenty zmahli pravieści pieramovy ŭ biaśpiečnaj i spakojnaj abstanoŭcy. Vienhryja — samaja biaśpiečnaja kraina ŭ Jeŭropie i adna z samych biaśpiečnych krain u śviecie», — skazaŭ jon.
Razam z tym, pavodle Piaskova, nieviadoma, jak Pucin płanuje dabiracca da Budapiešta, nijakaj kankretyki niama.
Jon taksama zajaviŭ, što sustreča «moža adbycca ciaham dvuch tydniaŭ abo krychu paźniej». «Heta ahulnaje razumieńnie, što nie treba ničoha adkładać u doŭhuju skryniu», — skazaŭ Piaskoŭ.
Napiaredadni, 16 kastryčnika, adbylisia telefonnyja pieramovy pamiž Pucinym i Trampam. Pa ich vynikach Tramp paviedamiŭ pra damoŭlenaść pravieści sustreču z rasijskim prezidentam u Budapiešcie. Jana pavinna prajści ciaham dvuch tydniaŭ.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
Vydatny vynik pracy "hieniju" hieapalityki, ja liču!