Paŭtornyja vybary ŭ miascovyja saviety projduć pa 15 vybarčych akruhach
Pra heta paviedamiła staršynia Centrvybarkama Lidzija Jarmošyna 30 krasavika žurnalistam u Minsku.
U Viciebskaj vobłaści paŭtornyja vybary projduć u troch akruhach, Homielskaj — u čatyroch, Hrodzienskaj — u adnoj, Minskaj — u čatyroch, Mahiloŭskaj — u troch.
Praviadzieńnie paŭtornych vybaraŭ źviazana z tym, što
ŭ 14 akruhach suprać biezalternatyŭnaha kandydata prahałasavała bolš jak 50% vybarščykaŭ, jašče ŭ adnoj akruzie kandydat u deputaty pamior.
Jarmošyna adznačyła, što «vitaje» praviadzieńnie paŭtornych vybaraŭ, bo heta śviedčyć pra «vielmi adkazny padychod vybarščykaŭ da kandydataŭ».
30 krasavika Centrvybarkam sumiesna sa staršyniami abłasnych i minskaj haradskoj vybarčych kamisij padvioŭ vyniki vybaraŭ. U adpaviednaści ź imi ŭ Biełarusi byli abrany 21.288 deputataŭ miascovych savietaŭ.
Vybarčuju kampaniju Jarmošyna nazvała «paśpiachovaj». Pavodle jaje słoŭ, Alaksandr Łukašenka «taksama ličyć, što vybarčyja kamisii spracavali pazityŭna».
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary