U Mazyry zaviaršajuć rekanstrukcyju adnaho z samych doŭhich i značnych mastoŭ krainy, jaki złučaje Mazyr i Kalinkavičy praz Prypiać. Ahulny košt prajekta pieravysiŭ 160 miljonaŭ rubloŭ, a raboty vialisia paskoranymi tempami — na praciahu 25 miesiacaŭ, paviedamiła STB.
Most byŭ adkryty bolš za 65 hadoŭ tamu i tady ličyŭsia inžyniernaj siensacyjaj rehijonu. Ale ŭ 2022 hodzie ekśpierty kanstatavali jaho pieradavaryjny stan, tamu patrebna było maštabnaje adnaŭleńnie, bo prostaha ramontu było niedastatkova.
Padčas rekanstrukcyi mostabudaŭniki pavialičyli šyryniu prajeznaj častki na 3 mietry, zrabili asobnuju rovarnuju ściežku i pašyryli piešachodny tratuar. Novaje pakryćcio darohi vyrablena z ustojlivaha i znosaŭstojlivaha materyjału, jaki mienš šumić i vytrymlivaje pierapady tempieratur. Prykładna 90 % materyjałaŭ byli vyrablenyja ŭ Biełarusi.
Most taksama staŭ bolš pryhožym i sučasnym: na im ustanoŭlenyja vielizarnaja arka z vantavymi kanstrukcyjami, ahladnaja placoŭka, a taksama elemienty biezbarjernaha asiarodździa — dva lifty ź videanazirańniem.
Asabliva składanaj była ŭstanoŭka arki nad rečyščam Prypiaci, dzie vyjavili, što dno raki ŭ 1970‑ia było zasypana butavymi kamianiami da mietra ŭ dyjamietry. Tamu pryjšłosia źmianić technałohiju zborki mietaličnaj kanstrukcyi i rabić raboty z płaŭsrodkaŭ.
Dla hetaha vykarystoŭvali śpiecyjalny fłot — baržy, krany i katary. Takaja technałohija ŭ Biełarusi prymianiałasia ŭpieršyniu i dazvoliła značna paskoryć raboty.
Zaviaršeńnie rekanstrukcyi mosta zrobić pierapravu nie tolki bolš biaśpiečnaj i funkcyjanalnaj, ale i adnoj z samych pryhožych u krainie, a čas pierajezdu z adnaho bieraha na druhi značna skarocicca. Adkryćcio jaho zapłanavana na listapad.
U Minsku adkryli ruch transpartu pad mostam na Maskoŭskaj
Pašyreńnie mietro, znos staroj zabudovy. Padviali vyniki abmierkavańnia novaj redakcyi hienpłana Minska
U Breście pačnuć rekanstrukcyju mosta praz Muchaviec
Adkryćcio samaha doŭhaha padviesnoha mosta Biełarusi znoŭ pieranieśli — pa niezvyčajnaj pryčynie
Kamientary