Były prezident Litvy Vałdas Adamkus śviatkuje siońnia svoj 99‑y dzień naradžeńnia.
Jon naradziŭsia 3 listapada 1926 hoda ŭ Koŭnie.
Imia pry naradžeńni Valdemaras Adamkiavičus, jaho baćka — Ihnas Adamkiavičus byŭ tym, chto pieršym vyviesiŭ litoŭski ściah u 1918 hodzie na viežy Hiedymina ŭ Vilni. Ihnas Adamkiavičus byŭ načalnikam hienieralnaha štaba Armii Litvy.
Padčas Druhoj suśvietnaj Valdemaras Adamkiavičus vučyŭsia ŭ himnazii «Aŭšra» ŭ Koŭnie, byŭ u Sajuzie zmaharoŭ za svabodu Litvy, razam z adnakłaśnikami vypuskaŭ nielehalnuju hazietu («Jaunime, budėk!») (Moładź, budź pilnaj!), raspaŭsiudžvaŭ vydańni Hałoŭnaha kamiteta vyzvaleńnia Litvy.
U 2021 hodzie biełaruskaja aficyjnaja prapahanda sprabavała zakinuć, što Adamkiavičus-małodšy byŭ daručencam Antanasa Impulavičusa, jaki kamandavaŭ bataljonam dapamožnaj palicyi, što padparadkoŭvaŭsia SS, što padčas vajny pravodziŭ karnyja apieracyi na terytoryi Biełarusi, ale heta było chłuśnioj. Hienprakuratura Švieda navat sprabavała vyklikać jaho na dopyt.
U lipieni 1944 hoda Vałdas Adamkus razam z baćkami vyjechaŭ u Hiermaniju. U tym ža hodzie viarnuŭsia ŭ Litvu i sa žniŭnia pa kastryčnik słužyŭ u 2‑m pałku sfarmavanych u Cialšai «Siłach abarony Ajčyny», byŭ pryznačany pierakładčykam u štab bataljona. U kastryčniku 1944 hoda vyjechaŭ u Hiermaniju, u 1949 hoda pryjechaŭ u ZŠA.
U 1960 hodzie skončyŭ Technałahičny instytut Ilinojsa pa śpiecyjalnaści inžynier-budaŭnik. Potym pracavaŭ u Fiederalnym ahienctvie achovy navakolnaha asiarodździa.
Byŭ aktyvistam litoŭskaj dyjaspary, arhanizataram pieršych Suśvietnych hulniaŭ litoŭcaŭ. Z 1972 hoda nieadnarazova naviedvaŭ Litvu.
U 1990‑ch viarnuŭsia ŭ Litvu, u 1998 hodzie pieramoh na prezidenckich vybarach.
Na vybarach u 2003 hodzie, na jakich jon źbiraŭsia pieraabracca na pasadu, u druhim tury niečakana sastupiŭ libierał-demakratu Rałandasu Paksasu. Ale ŭžo ŭ 2004 hodzie Paksasu byŭ abvieščany impičmient, i na pazačarhovych vybarach Adamkus znoŭ pieramoh. Pasadu prezidenta Litvy Adamkus zajmaŭ da 2009 hoda.
Ciapier čytajuć
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ7
Kamientary