Coca-Cola vypuściła navahodniuju rekłamu, i jaje zachejcili. Usio praz štučny intelekt
Coca-Cola znoŭ uziałasia za pieraasensavańnie svaich kłasičnych śviatočnych rolikaŭ z furhonami, zahružanymi haziroŭkaj. Pavodle źviestak The Wall Street Journal, dla hetych rolikaŭ Coca-Cola abjadnałasia z Silverside i Secret Level, studyjami, jakija śpiecyjalizujucca na ŠI, piša Onliner.
ŚMI vyśvietlili, što ŭ hetym prajekcie byli zadziejničali 100 čałaviek, siarod ich piać «śpiecyjalistaŭ pa ŠI», jakija stvaryli i apracavali 70 000 videarolikaŭ z vykarystańniem hienieratyŭnaha štučnaha intelektu.
Pavodle słoŭ dyrektara pa markietynhu Coca-Cola Manoła Aroja, stvarać videa z vykarystańniem ŠI i tańniej, i chutčej, čym zdymać kłasičnyja roliki:
— Raniej, kali my zajmalisia zdymkami i ŭsimi standartnymi pracesami prajekta, my pačynali za hod. Ciapier heta možna zrabić prykładna za miesiac.
U sietcy ž ŠI-viersija rekłamy «Śviata da nas prychodzić» sutyknułasia ź niehatyvam.
Pavodle karystalnikaŭ, u roliku niama adzinaha stylu, a biełyja miadźviedzi, pandy i laniŭcy, stvoranyja ŠI, ruchajucca maksimalna nienaturalna.
Kamientary