Rasijskija analityki: «Płodotvornoje słužienije» jepiskapaŭ Viciebskaha i Bresckaha
Tady jak jepiskap Hrodzienski – biełaruski nacyjanalist, a Instytut teałohii BDU – hniazdo fiłakatalikoŭ.
Tady jak jepiskap Hrodzienski – biełaruski nacyjanalist, a Instytut teałohii BDU – hniazdo fiłakatalikoŭ.
Na rasijskim analityčnym sajcie «Matierik» — infarmacyjnaj płatformie siłaŭ, jakija vystupajuć za dałučeńnie susiednich krain da Rasii, raźmieščany davoli šyroki ahlad Adździeła Biełarusi Instytuta krain SND pad nazvaj «Pravasłaŭnaja carkva i relihijnaja abstanoŭka ŭ sučasnaj Biełarusi».
Artykuł źmiaščaje ahlad kanfiesijnaj situacyi, padaje pracentnyja suadnosiny pravasłaŭnych, katalikoŭ i pratestantaŭ, analizuje palityku Alaksandra Łukašenki ŭ dačynieńni da Pravasłaŭnaj carkvy.
U acency Instytuta krain SND, Biełaruskaja pravasłaŭnaja carkva ŭ nas nieadnastajnaja i padzielenaja na roznyja hrupoŭki.
Pačynajecca z dalikatnaha asudžeńnia biełaruskich uładaŭ.
«Ruskaja pravasłaŭnaja carkva paśla zdabyćcia Biełaruśsiu niezaležnaści sutyknułasia z novymi vyklikami, jakija vynikali z peŭnych fobij kirujučaha kłasa respubliki», – piša «Matierik».I zakidaje biełaruskim uładam imknieńnie «kantralavać dziejnaść Ekzarchata i žadańnie ŭmiešvacca va ŭnutranaje žyćcio RPC». U jakaści najbolš jaskravaha faktu pryvodzicca prykład vykarystańnia terminu «Biełaruskaja pravasłaŭnaja carkva», što, nibyta, supiarečyć kanonam pravasłaŭja. Pavodle aŭtaraŭ: treba tolki «Ruskaja».
Dalej pierachodziać na asoby.
«Siarod biełaruskaha pravasłaŭnaha duchavienstva raspaŭsiudžvajucca nastroi, źviazanyja z «ŭspaminami ab słavutym minułym», kali Kijeŭskija mitrapality znachodzilisia pad kiravańniem Kanstancinopala. Padobnyja pavievy asabliva ŭłaścivyja dla Hrodzienskaj i Vaŭkavyskaj jeparchii, kiraŭnik jakoj, biskup Arciemij, nieadnarazova vykazvaŭsia na karyść aŭtakiefalii...Pry hetym kiraŭnictva dadzienaj jeparchii ŭsialak zaachvočvaje maładych śviataroŭ praciahvać duchoŭnaje adukacyju nie ŭ navučalnych ustanovach Ruskaj pravasłaŭnaj Carkvy, a ŭ Polščy», — śćviardžaje «Matierik».
Dastałosia na arechi i Instytutu teałohii BDU. U zhadanym artykule śćviardžajecca, što jaho faktyčny kiraŭnik H.Piatroŭski, pa svaim śvietapohladzie «vielmi daloki ad pravasłaŭja ŭvohule i ad ruskaha pravasłaŭja ŭ asablivaści». Spadaru Piatroŭskamu zakidajecca «ŭkaranieńnie ŭ sistemu adukacyi RB nacyjanalistyčnych padručnikaŭ pa historyi Biełarusi anciruskaha i ancipravasłaŭnaha kštałtu».
«Piatroŭski i Daŭhiała pastajanna pryciahvajuć dla vykładańnia ŭ Instytucie teałohii BDU zachodnich vučonych-śpiecyjalistaŭ i zamiežnych sponsaraŭ… Bolš za toje, pravasłaŭnyja duchoŭnyja asoby, što vykładajuć u hetaj VNU ŭviali praviadzieńnie supolnych z pradstaŭnikami rymska-katalickaj carkvy słužbaŭ», — aburajucca rasijskaja analityki.
Adnak nie ŭsio tak drenna ŭ Biełarusi, ličać aŭtary publikacyi ŭ «Matierikie»: «Niesumnienna, što ŭ Biełarusi majucca zdarovyja pravasłaŭna-ruskija siły. Prykładam moža słužyć aktyŭnaja aśvietnickaja i misijanierskaja dziejnaść jepiskapa Połackaha i Viciebskaha Fieadosija, jaki ŭ svaim niaprostym rehijonie (u pačatku 1990-ch hadoŭ Połacak byŭ abrany unijatami jak centr dla reanimacyi hreka-katalicyzmu) zdoleŭ pryciahnuć na svoj bok nie tolki ŭładnyja struktury , ale i vykładčykaŭ i studentaŭ Połackaha dziaržaŭnaha univiersiteta. Hetak ža plonna i słužeńnie jepiskapa Bresckaha i Kobrynskaha Iaana».
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary